Pages

Friday, March 24, 2017

ආසියානු මුස්‌ලිම් ජාතික ත්‍රස්‌තයෙකු බ්‍රිතාන්‍ය පාර්ලිමේන්තුවට එල්ල කළ ප්‍රහාරයෙන් 4ක්‌ මියයති, 40කට බරපතළයි!

පසුගිය බදාදා ලන්ඩනයේ බ්‍රිතාන්‍ය පාර්ලිමේන්තුවට කරන ලද ත්‍රස්‌ත ප්‍රහාරය නිසා මේ වනවිට හතර දෙනෙකු මියගොස්‌ 40 දෙනකු බරපතළ තුවාල ලබා තිබේ. පාර්ලිමේන්තුව අසල පිහිටා තිබෙන "වෙස්‌මිනිස්‌ටර්" පාලමේ ගමන් කරමින් සිටි මහජනයා හප්පා දමමින් තම මෝටර් රථය පාර්ලිමේන්තුව දෙසට ධාවනය කළ මෙම ත්‍රස්‌තවාදියා පාර්ලිමේන්තු ප්‍රධාන ගේට්‌ටුවේ වද්දා තම වාහනය නතරකොට පාර්ලිමේන්තුවේ ගෙවත්තට දුව ගොස්‌ පාර්ලිමේන්තුව ආරක්‌ෂා කරමින් සිටි පොලිස්‌ නිලධාරියකුට පිහියෙන් ඇන මරා දමා තිබුණි. එකෙනෙහිම ක්‍රියාත්මකවූ තවත් පොලිස්‌ නිලධාරියකු ත්‍රස්‌තවාදියාට වෙඩි තබා මරා දැමීය.

මේ අවස්‌ථාව වනවිට අගමැතිනි තෙරේසා මේ පාර්ලිමේන්තුව තුළ රැඳී සිටි අතර ආරක්‌ෂක නිලධාරීන් වහාම ඇයව පාර්ලිමේන්තුව අසල පිහිටි ඩව්නින් වීදියේ අග්‍රාමාත්‍ය නිල නිවසට සුරක්‌ෂිතව රැගෙන යැමට සමත්විය.

තුවාලකරුවන් අතර බ්‍රිතාන්‍ය ජාතිකයන් හැරුණුකොට ප්‍රංශ ජාතික ශිෂ්‍ය පිරිසක්‌ ද කොරියානු ජාතිකයන් පිරිසක්‌ද සිටින බව වාර්තා වේ.

ප්‍රහාරය නිසා බියට පත් සමහරෙක්‌ තම ජීවිත බේරා ගැනීමට පාලමේ සිට තේම්ස්‌ නදියට පැන තිබිණි. ඔවුන්ව දියේ ගිලීමට පෙර බේරා ගෙන ඇත.

මෙම ලන්ඩන් ප්‍රහාරය එල්ලවූයේ බෙල්ජියමේ බ්‍රසල්ස්‌ ගුවන්තොටුපළට ත්‍රස්‌ත ප්‍රහාරයක්‌ එල්ලකොට වසරක්‌ ගතවූ දිනයේය.

ප්‍රහාරයෙන් පසු පාර්ලිමේන්තුව අවට බොහෝ ප්‍රදේශ මහජනයාට යැමට තහනම් ප්‍රදේශ ලෙස නම් කෙරුණු අතර පාර්ලිමේන්තුව අසල තිබෙන වෙස්‌ට්‌මිනිස්‌ටර් උමං දුම්රිය පළ ද වසා දැමීය. ඊට අමතරව බකිංහැම් මාලිගය අවටද ආරක්‌ෂාව විශාල ලෙස තරකොට තිබේ.

ප්‍රහාරයෙන් පසු ජාතිය ඇමතූ අගමැතිනි තෙරේසා මේ කියා සිටියේ ත්‍රස්‌තවාදීන්ට ජය ගැනීමට තමා ඉඩ නොතබන බවයි. ඇමෙරිකානු ජනාධිපති ඩොනල්ඩ් ට්‍රම්ස්‌ ඇතුළු රාජ්‍ය නායකයන් බොහෝ පිරිසක්‌ බ්‍රිතාන්‍ය අගමැතිනියට දුරකථනයෙන් කතාකොට තම ශෝකය ප්‍රකාශ කළේය. ත්‍රස්‌තවාදියා එංගලන්තයේ එසෙක්‌ස්‌ ප්‍රාන්තයේ චෙමිස්‌µර්ඩ් නගරයේ පදිංචිව සිටි ආසියානු මුස්‌ලිම් ජාතිකයෙකු බව මේ වනවිට සොයාගෙන තිබේ.

සුජීව නිවුන්හැල්ල - ලන්ඩනයේ සිට
http://www.divaina.com/2017/03/24/forign.html

Thursday, March 23, 2017

බිග් මැච් ප‍්‍රචණ්ඩත්වය අන්තිමයි.. පොලීසියේ හැසිරීම බින්දුවයි.. විනයක්‌ නොමැති අධ්‍යාපනය..!

බොරැල්ල යසෝදරා බාලිකා විද්‍යාලයට මහානාම විද්‍යාලීය සිසුන් කඩා වැදී කලහයක් ඇතිකිරීම සම්බන්ධයෙන් දැඩි විරෝධය පල කරන බව ජාතික හෙළ උරුමය පවසයි.

එම පක්‍ෂයේ ප‍්‍රධාන අනුශාසක ආචාර්ය ඕමල්පේ සෝභිත හිමියන් විසින් නිකුත් කර ඇති නිවේදනයක මේ බව දැක්වෙයි.

අදාල සම්පුර්ණ නිවේදනය මෙසේය.

2017/03/21 වන දින බොරැල්ල යසෝදරා බාලිකා විද්‍යාලයට මහානාම විද්‍යාලීය සිසුන් කඩා වැදී ඇතිකරගත් කලහකාරී තත්ත්වය පිළිබදව අපගේ බලවත් කනස්සල්ල පළමුකොටම පළ කිරීමට කැමැත්තෙමු.

මේ වන විට ආරම්භ වී ඇති අන්තර් පාසල් වාර්ෂික ක‍්‍රිකට් තරග මෙබදු ශෝචනීය සිදුවීම්වලට පසුබිම් වී ඇත. මෙම තරග ආරම්භ වීමට ආසන්නව තිබියදීම මේ පිළිබද අපගේ අදහස් මාධ්‍යවලට පළ කළෙමු. විශේෂයෙන්ම එහිදී අපගේ අවධානය යොමුවූයේ මෙම වාර්ෂික ක‍්‍රිකට් තරග පදනම් කරගනිමින් සිසුන් පෙළපාළි යමින් සිදුකරන විනය විරෝධි මෙන්ම නීති විරෝධි කටයුතු පිළිබදවය. අපගේ පැහැදිලි කිරීමෙන් අනතුරුව ඇතැම් පුද්ගලයන් ඒ පිළිබදව විවේචනාත්මකව මත පළ කර තිබුණි.

කෙසේ වෙතත් ඊයේ දිනය තුළ (2017/03/21) කොළඹ මහානාම විද්‍යාලීය සිසුන් යසෝදරා බාලිකා විද්‍යාලයට හා මියුසියස් බාලිකා විද්‍යාලයට බලහත්කාරයෙන් ඇතුළුව සිදු කළ කටයුතු පිළිබදව අදාල බලධරයන්ගේ විශේෂ අවධානය යොමු විය යුතුමය.

කොළඹ ඞී.ඇස්. සේනානායක විදුහල සහ මහානාම විදුහල අතර පැවැත්වෙන වාර්ෂික මහා ක‍්‍රිකට් තරගය නිමිති කරගනිමින් මහානාම විද්‍යාලීය සිසුන් සිය ගණනක් රථ වාහන පෙළපාලියක නිරත වන අතර ඉහත කී බාලිකා පාසල් දෙකට බලහත්කාරයෙන් කඩා වැදී ඇත. මෙහිදී සිසුන් යසෝදරා බාලිකා විදුහලේ ගුරුවරුන්ට ද පහර දෙන දර්ශන මාධ්‍ය මගින් විකාශය කරනු ලැබීය.

සිසුන් පෙළපාලිය යෑමෙන් නොනැවතී බාලිකා විදුහල් දෙකට බලෙන් ඇතුළුව ඒවායේ දේපළ වලට ද හානිකර ගුරුවරුන්ට ද පහර දී ප‍්‍රචණ්ඩ ලෙස හැසිරීම ලඝු කොට සැලකිය නොහැකිය. මෙම අවස්ථාවේ පොලිසිය හැසිරුණු අකාරය පිළිබදව අප තුළ ඇතිවන්නේ ඉමහත් කලකිරීමකි.

මෙම සිදුවීම් ඔස්සේ මෙරට පාසල් අධ්‍යාපනය පිළිබදව විශේෂ අවධානය යොමු කළ යුතු මොහොතකට අප එළඹ ඇත. සිසුන් තුළ විනය ගොඩනොනගන අධ්‍යාපනය ප‍්‍රතිඵල රහිතය. තවදුරටත් මෙම තත්ත්වය වර්ධනය වීමට ඉඩ නොදීම සියළු බලධරයන්ගේ වගකීමයි.

පාසල් අධ්‍යාපනය තුළ ක‍්‍රීඩාවද අනිවාර්යයෙන්ම සංවර්ධනය විය යුත්තක් බව අපි පිළිගනිමු. එනමුත් අද වනවිට සිදුවෙමින් ඇත්තේ ක‍්‍රීඩාවේ නාමයෙන් විනය පරිහානියකි. උක්ත සිදුවීම මීට ආසන්නතම එක් උදාහරණයක් පමණි.

ඉහත අසෝභණ සිදුවීමට අදාල සිසුන් සම්බන්ධව මහානාම විද්‍යාලීය විදුහල්පතිතුමා ඇතුළු ආචාර්ය මණ්ඩලය ගන්නා පියවර පිළිබදව අපි නෙත් දල්වා බලා සිටිමු. එසේම අධ්‍යාපන අමාත්‍යාංශය හා පොලිසිය මේ සම්බන්ධයෙන් ගනු ලබන ඉදිරි පියවරයන් පිළිබදවද අපි දැඩි අවධානයෙන් යුතුව පසුවෙමු. යම් හෙයකින් අදාල බලධාරීන් නිහඩ පිළිවෙතක් අනුගමනය කරන්නේ නම් එය මෙබදු අසෝභන සිදුවීම්වලට දක්වන අනුග‍්‍රහයක් සේ සළකා ඉහත සිදුවීමට එරෙහිව ක‍්‍රියාමාර්ග ගැනීමට අප මැලි නොවන බව ද දැඩිව අවධාරණය කර සිටිමු.

ආචාර්ය ඕමල්පේ සෝභිත නායක ස්ථවිර, ප‍්‍රධාන අනුශාසක, ජාතික හෙළ උරුමය
Lanka C News

මහානාමයෙකු වීම ආඩම්බරයක්! - ''මහානාම'' මදාවියන්ගේ ''මැච්'' සොමිය

ඕමල්පේ සෝභිත හිමියෝ මීට මාසයකට පමණ ඉහතදී 'බිග් මැච්' පැවැත්වීමේ අවදානමක්‌ ගැන ප්‍රකාශ කළහ. උන්වහන්සේ ඒ බව සඳහන් කළේ ඒ දිනවල කොළඹ ප්‍රධාන පාසල් දෙකක්‌ අතර ඇතිවූ ගැටුමකින් පසුවය. ඇත්තෙන්ම ඒ ගැටුම සරල ආකාරයෙන් නිර්වචනය කරන්නට බැරි තරමේ 'මැර' පන්නයේ ගැටුමකි. පොලු මුගුරු රැගෙන පාරේ යනෙන වාහනවලට ද අලාභහානි කරමින් හැසිරෙන කණ්‌ඩායමක්‌ හෝ දෙකක්‌ හැඳින්විය හැකි හොඳම වචනය පාතාල සාමාජිකයන් යන්න පමණකි. මේ හැසිරීම් 'කොලු වයසට කරන දඟකාරකම්' නොවේ. මේ හැසිරීම් 'තරුණ විසේ' නොවේ. කොටින්ම කීවොත් මේවා වයසේ වැරැද්ද නොවේ. පාසලේ කීර්තිනාමයට හොඳ නැති නිසා වැඩේ යටගසන්නට බොහෝ දෙනෙක්‌ වෑයම් කළ අතර දැන් ඒ ගැන ඇහෙන්නේ නැත. එහෙත් ඒ තත්ත්වය වඩාත් නරක බව තේරුම් ගත් නිසාම ඕමල්පේ සෝභිත හිsමියෝ පෙර කී අදහස්‌ පළ කළහ. පෙරේදා (21 දා) වන විට එය යථාර්ථයක්‌ බවට පත්ව තිබිණි. ඒ කොළඹ තවත් ප්‍රධාන පෙළේ පිරිමි පාසලක අමනයන් පිරිසක්‌ බාලිකා පාසලකට පැන යකා නැටූ සිද්ධියක්‌ හේතුවෙනි. මේ මෝඩ ආතල් ගැනීමට හේතුව වී තිබුණේ 'බිග්මැච්' සොමිය ය. වාර්තා වන පරිදි මේ සොමිය උපරිමයෙන් ගනු පිණිස 50 ක පමණ ශිෂ්‍ය මදාවියන් පිරිසක්‌ බාලිකා පාසලට පැන තිබුණේ මත්පැන් ද පානය කිරීමෙන් අනතුරුවය. බාලිකා පාසලේ මුරකරුට ද, ගුරුවරුන් දෙදෙනකුට ද පහර දී විද්‍යාලයේ දේපළවලට ද හානි සිදුකර ඇති නිසා මේ අයට මදාවියන් යෑයි කීම සියයට සියයක්‌ම සාධාරණය. මේ වනවිට බිග්මැච් සංස්‌කෘතිය (සොමිය) අමුතු ක්‍රමයට අලුත් තාලයට කරන බව ද පෙනෙන්නට තිබේ. ඊයේ පෙරේදා දියෙන්, ගොඩින්, අහසින් බිග්මැච් සොමිය ගත් උදවිය ගැන ද වාර්තා විය. මේවා කොහොම කළත් අපට කමක්‌ නැත. එහෙත් මේ කිසිවක්‌ ම නැති අවම වශයෙන් පාසලේ ඩෙස්‌, බංකු, පුටු, පයලන්නට පාවහන් නැති දරුවෝ මේ රටේ අසීරුවෙන් අකුරු කරන බව කවුරු කවුරුත් සිහි තබා ගත යුතුය.

මේ කරුණු කාරණා සම්බන්ධයෙන් අපට පෙනෙන නියත සත්‍යය නම් මේ සියලු අමන වැඩ සිදුවන්නේ ජනප්‍රිය යෑයි කියන පාසල්වල බවය. නගරයේ ජනප්‍රිය යෑයි සම්මත පාසල්වලින් වැඩි අධ්‍යාපනයක්‌ වැඩි පහසුකම් ලැබේ යෑයි සිතා එම පාසල්වලට දරුවන් ඇතුළත් කරන අයට අපට කියන්නට තිබෙන්නේ බොහෝ නරක දේවල් එම දරුවන්ට ලැබීමේ ඉඩකඩ ඉතා වැඩි බවය.

පාසල් අතර ක්‍රිකට්‌ තරග අද හඳුන්වන්නේ බිග්මැච් සංස්‌කෘතිය ලෙසය. ප්‍රශ්නය වන්නේ මේ මහා තරග සඳහා පෙළගැහෙන විදුහල්වල බොහෝ කොල්ලන් හැසිරෙන්නේ ශිෂ්ටාචාරයේ නොදියුණුම මිනිස්‌ කොට්‌ඨාසයක්‌ ලෙසය. එය 'සංස්‌කෘතික' යෑයි කියන්නේ කොහොමද යන්න කවරෙකු හෝ අපට පැහැදිලි කළ යුතුය. නැතිනම් නුදුරේදීම බිග්මැච් යනු ටී පනස්‌හය අතින් ගත් පාරේ යන එන කෙල්ලන් පැහැර ගන්නා අමනයන් විසින් මෙහෙයවනු ලබන සංස්‌කෘතියක්‌ වීමෙහි ඉඩකඩ ඇති බව පමණක්‌ අපි සිහිපත් කරමු.

Pic Source

Friday, March 17, 2017

බෞද්ධයන්ගේ සංහිදියාව ගැන ප්‍රශ්න කරන සහජීවනවාදීන් කාන්කුඩි මුසලු මාරාන්තික කුල ගැටුම ගැන නිහඬ ඇයි?

දිනෙන් දින රටේ උද්ගත වන ආගමික සංහිදියාවට බාධා වන සිදුවීම් පිළිබද වාර ගණනක් දැනුවත් කර ඇතත් තවම සමහර සිදුවීම් සම්බන්ධයෙන් නිසි විසදුම් ලැබී නොමැති බව හෙල බොදු සවිය සංවිධානය පවසයි.

බුද්ධ ශාසන ඇමතිවරයා වෙත ලිපියක් යොමු කරමින් එම සංවිධානයේ සභාපති පුජ්‍ය බුදුගල ජිනවංශ හිමියන් විසින් මේ බව සදහන් කරයි.
අදාල සම්පුර්ණ ලිපිය මෙසේය.

ගරු විජේදාස රාජපක්ෂ මැතිතුමා,
බුද්ධ ශාසන හා අධිකරණ අමත්‍යාංශය,
අනගාරික ධර්මපාල මාවත, කොළඹ 07.

ගරු ඇමතිතුමනි,

ආගමික සංහිදියාවට බාධා කරන කාරණා සම්බන්ධයෙන් ඔබතුමාගේ අවධානය යොමු කිරීම
  • දිනෙන් දින රටේ උද්ගත වන ආගමික සංහිදියාවට බාධා වන සිදුවීම් පිළිබද වාර ගණනක් ඔබතුමන්ව දැනුවත් කර ඇතත් තවම සමහර සිදුවීම් සම්බන්ධයෙන් නිසි විසදුම් ලැබී නොමැත. තවදුරටත් රටේ ආගමික සංහිදියාවට බාධා වන සිද්ධීන් වාර්තා වීම පදනම් කරගෙන එවැනි අවස්ථා කිහිපයක් පිළිබදව ඔබතුමා දැනුවත් කරන්නට අප තීරණය කළෙමු.
  • පසුගිය සිකුරාදා ( 2017.03.10 ) දින කාත්තන්කුඩි ප්‍රදේශයේ ඇති ආගමික ගැටුමක් සම්බන්ධයෙන් සමස්ත රටේම මහජනතාව අතර කිසියම් නොසන්සුන්තාවයක් ඇති වී ඇති අයුරු අපට දැකගත හැකිය. ඉස්ලාම් ආගමට සම්බන්ධ දෙපිරිසක් අතර ඇති වූ මෙම ගැටුමෙන් පුද්ගලයන් හතර දෙනෙකු තුවාල ලබා කාත්තන්කුඩි රෝහලට ඇතුළත් කර ඇති අතර ඉන් තිදෙනෙකු ප්‍රතිකාර ලබා රෝහලෙන් පිටව ගොස් ඇත. බෞද්ධයන් අතර සංහිදියාව ගැන ප්‍රශ්න කරන කිසිවෙක් මෙවැනි ත්‍රස්ත ක්‍රියාවන් සම්බන්ධයෙන් අවධානය යොමු නොකරන්නේ මන්ද? එකම ආගමක මතවාද දෙකක් ඉවසීමට නොහැකි තත්වයක් ඉස්ලාමය තුළ පවතී ද? පවතී නම් එය ත්‍රස්ත ක්‍රියා දක්වා වර්ධනය වන්නට ඉඩ නොදී විසදුම් ලබා දෙන්නේ කෙසේ දැයි ඔබ අමාත්‍යංශයට සංවාදයක් තිබේ ද? මෙවැනි කල්ලි කණ්ඩායම් සදහා රජයේ පාර්ශවයේ අමාත්‍යවරයෙකුගේ සම්බන්ධයක් ඇතැයි පැතිරෙන පුවත්වල ඇති සත්‍යාසත්‍යතාවය කුමක් ද? එමෙන් ම මේ පිරිස් අතර අයි.එස්.අයි.එස් ත්‍රස්ත කණ්ඩායම්වලට සම්බන්ධ අය සිටිත් දැයි ඔබ අමාත්‍යංශය නිරීක්ෂණය කොට තිබේ ද?
  • දෙහිවල ප්‍රදේශයේ පිහිටි පාසලක 11 වන වසරේ ඉගෙනුම ලැබූ ශිෂ්‍ය ශිෂ්‍යාවන් 9 දෙනෙකු පමණ යෙහෝවාගේ සාක්ෂිකරුවෝ නමින් පෙනී සිටින පිරිසක් බලහත්කාරයෙන් සිය ආගම වෙනස් කරවීමේ සිදුවීමක් වාර්තා වී ඇත. මේ මුග්ධ ක්‍රියාව සදහා කටයුතු කොට ඇත්තේ එම පාසලේම ඉගෙනු ලබන සිසුවියකගේ මවක් බව දැනගන්නට ලැබී ඇති අතර බෞද්ධ භික්ෂූන් ට අපහාස කරවීමේ කූඨ වැඩපිළිවෙලක් ක්‍රියාත්මක කොට ඇත. මෙවැනි බලහත්කාරයෙන් සිදුවන අන්‍යාගමිකරණය ගැන ඔබ අමාත්‍යංශය ගෙන ඇති පියවර කුමක් ද?
  • බස්නාහිර පළාතේ බියගම අධ්‍යාපන කලාපයට අයත් මල්වාන ප්‍රදේශයේ පාසලක ලංකාවේ බුදුන් උපන්නා යැයි දේශන පැවැත්විම ගැන ඔබතුමා දැනුවත් ද? මෙලෙස ඓතිහාසික සිද්ධීන් සාහසික ලෙස විකෘති කරමින් ගෙන යන අසත්‍ය තොරතුරු මත පදනම් වූ ක්‍රියාවන් නතර කිරීමට ඔබතුමා ගන්නා ක්‍රියාමාර්ග මොනවා ද?
  • සමස්ත බෞද්ධ සමාජයම කම්පාවට පත්ව ඇති පිටිදූවේ සිරිධම්ම නොහොත් සමන්තභද්‍ර භික්ෂුවගේ ක්‍රියාකලාපය ගැන ඔබ අමාත්‍යංශය ගන්නා තීන්දු තීරණ මොනවාද ? අපගේ නිරීක්ෂණ අනුව පෙනී ගොස් ඇත්තේ උන්වහන්සේගේ ක්‍රියාකලාපය ශාසනික පරිහානියට දැඩි බලපෑමක් කරන්නක් බවයි. එම නිසා ඒ පිළිබද නිකායික මහානායක හිමිවරුන් සමග සාකච්ඡ කොට තීරණයකට එළැඹිය යුතු නොවේ ද?

ඉහත සදහන් සිදුවීම් අද්‍යතනය වන විට බැරෑරුම් ප්‍රශ්න සමුදායක් වන අතර බුද්ධශාසන හා අධිකරණ කටයුතු ඇමතිවරයා වශයෙන් මෙවැනි දෑ සිදුනොවීමට වග බලා ගත යුතු අතර මෙයට විරුද්ධව පාර්ලිමේන්තුවේ හා කැබිනට් මණ්ඩලයේ අවධානය යොමු කොට ගත යුතු ක්‍රියාමාර්ග ගන්නා ලෙසත් ආගමික සංහිදියාවට බාධා කරන පිරිස්වලට එරෙහිව දැඩිව නීතිය ක්‍රියාත්මක කරන ලෙසත් අප තරයේ සිහිපත් කර සිටිමු.

බුදුගල ජිනවංස හිමි - සභාපති
Lanka C News

සබැඳි ලිපි -
[
ලංකාවේ යළි ISIS! කාත්තන්කුඩිහිදී ගැටුම් ඇති කරගත් එක්‌ පිරිසක්‌ අයිසීස්‌ හිතවාදීන්! - මුසලුවෝම සහතික වෙතිhttp://denethharinna.blogspot.com/2017/03/blog-post_16.html
ලංකාවේ ප්‍රදේශ 6 ක ISIS ත්‍රස්‌තයෝ
http://denethharinna.blogspot.com/2016/03/6-isis.html
අයි එස්‌ සංවිධානය සමඟ සබඳකම් පවත්වන අය නැගෙනහිර සිටිනවා - බුද්ධි අංශhttp://denethharinna.blogspot.com/2015/07/blog-post_30.html"අබු සුරෙයියා සයිලානි" ගලේවෙලින් කටුනායකට... එතැනින් සිරියාවට... එතැනින් අයි.එස්‌.අයි.එස්‌.ට... තහනම් වචනය රටේ ආරක්ෂාව!http://denethharinna.blogspot.com/2015/07/blog-post_28.htmlමස්‌සිනාත් අයිසිස්‌ ත්‍රස්තයෙක්. ශ්‍රී ලාංකික අයිසිස්‌ ත්‍රස්‌තයාගේ පවුලේ 10 ක්‌ ඉරාකයට පැනලා.http://denethharinna.blogspot.com/2015/07/10_28.htmlඅයි. එස්‌. ත්‍රස්‌ත මුසලු විදුහල්පතිගේ පවුලම කලින්ම ශ්‍රී ලංකාව හැරගිහින්...http://denethharinna.blogspot.com/2015/07/blog-post_25.html"සයිලානිට" පමණක්‌ ලඝු නොවන අනාගත ISIS රාජ්‍යයට ලංකාවත් අයත් විටෙක සිහළ සමාජය තුළ සැඟවෙමින් වැඩෙන මූසලු අන්තවාදය ගැන සිතන්නට යමක්‌http://denethharinna.blogspot.com/2015/07/isis.htmlඅයිසිස්‌ ත්‍රස්‌තයන්ට එක්‌ වූ ශ්‍රී ලාංකික මුසලු සයදරු පියා - ෂර්පාස්‌ නිලාම් මුෂින් හෙවත් අබු සයිල් ආනිhttp://denethharinna.blogspot.com/2015/07/blog-post_84.htmlශ්‍රී ලාංකික අයි එස්‌ අයි සටන්කරුගේ පැටිකිරිය - ඉපදුනේ 77. දරුවන් 6යි.http://denethharinna.blogspot.com/2015/07/77-6.htmlඅයි එස්‌ අයි එස්‌ සංවිධානයට එක්‌ වූ පළමු ශ්‍රී ලාංකිකයා අබු ෂුරේන් සයිලානි ගුවන් ප්‍රහාරයකින් මරුටhttp://denethharinna.blogspot.com/2015/07/blog-post_94.html
ඇමරිකානු රහස්‌ ලියවිල්ලෙන් ලෝක පාතාල කණ්‌ඩායමක්‌ සමඟ ගනුදෙනු කළ මෙරට මුස්‌ලිම් දේශපාලනඥයකු ගැන හෙළි වේ
http://denethharinna.blogspot.com/2014/06/blog-post_4018.html
ලාංකීය මුසලු ත්‍රස්තයෝ ලොව පුරා? මහනුවර හුසේන් ඉන්දියාවේදී කොටු වූ පසු මෙමස දෙවැනි ලාංකික අල්ඛයිඩා මුසලුවා මැලේසියාවෙන්http://denethharinna.blogspot.com/2014/05/blog-post_1051.htmlජාත්‍යන්තර සබඳකම් ඇති ඉස්‌ලාමීය සංවිධාන 13 ක්‌ සහ අන්තවාදී සංවිධාන 4 ක්‌ කොළඹ ක්‍රියාත්මකයි - ඇමරිකානු රහස්‌ ලියවිල්ලක්‌ හෙළි කරයි! විකිලික්ස්, ඉන්දියානු සහ ඇමරිකානු ඔත්තු සේවා දිගින් දිගටම හෙළි කලත් ආණ්ඩුවට නිදි!http://denethharinna.blogspot.com/2014/05/13-4.htmlමෙරට ඔත්තු සේවා මුසලු ත්‍රස්තවාදය හමුවේ නිදි. පාකිස්‌තාන් ත්‍රස්‌ත ජාලයට සම්බන්ධ නුවර මුසලු ත්‍රස්තවාදියා ඉන්දියාවේදී දැලේhttp://denethharinna.blogspot.com/2014/05/blog-post.html
]

Thursday, March 16, 2017

ජනපති හා අගමැතිගේ සීතල යුද්ධයේ ප්‍රතිඵලය රණවිරුවන් දඩයමට ලක්‌වීමයි! - ගම්මන්පිල

ජනාධිපතිවරයා සහ අගමැතිවරයා අතර පවතින සීතල යුද්ධයේ ප්‍රතිඵලයක්‌ ලෙස රණවිරුවන් දඩයමට ලක්‌වන බව පාර්ලිමේන්තු මන්ත්‍රී පිවිතුරු හෙළ උරුමයේ නායක, නීතිඥ උදය ගම්මන්පිල මහතා පැවැසීය. ගම්මන්පිල මහතා එම අදහස්‌ ප්‍රකාශ කර සිටියේ ඊයේ (13 දා) ජාතික පුස්‌තකාල හා ප්‍රලේඛන සේවා ශ්‍රවණාගාරයේදී පැවැති මාසික හමුවේදීය. එහිදී වැඩි දුරටත් අදහස්‌ දැක්‌වූ ඒ මහතා මෙසේ ද පැවැසීය.

කැලයේ ආධිපත්‍ය පතා අලි දෙන්නෙක්‌ විලක්‌ මැද පොර බැදුවාලු. අලින්ගේ තඩි කකුලවලට පෑගි විලේ සිටි ගෙම්බො මැරෙන්න ගත්තාලු. එතකොට එක ගෙම්බෙක්‌ කිව්වාලු "අලි ගැටෙනවා - අපි මැරෙනවා" කියලා. අද රටේ වෙන්නෙත් ඒකයි. ජනපති සහ අගමැති අතර කවුද ලොක්‌කා කියා තීරණය කරන්න සීතල යුද්ධයක්‌ පවතින බව කවුරුත් දන්නා රහසක්‌. ඒ අලි පොරයට පෑගිලා මැරෙන්නේ රණවිරුවන්. අද ත්‍රිවිධ හමුදාව තිබෙන්නේ ජනපති යටතේ. පොලීසිය තිබෙන්නේ අගමැති යටතේ. ජනපති රිදවන්න විහිළුවක්‌ කරන්න ඕනෑ වුණාම ජනපති රණවිරුවන් රකින බව කියන විට අගමැතිගේ පොලිසිය ඔවුන් පදනම් විරහිතව අත්අඩංගුවට ගන්නවා.

ජනාධිපතිතුමා මාර්තු 03 දා උදෑසන උතුරේ හමුදා කඳවුරක දී කිව්වා රණවිරුවන් අත්අඩංගුවට ගන්න මම ඉඩ තියන්නේ නෑ කියලා. එතුමා කොළඹට එන්නත් කළින් නාවික හමුදා බුද්ධි අංශ ප්‍රධානියෙකු වන කොමාන්ඩර් ආර්.පී.එස්‌. රණසිංහ සහ උදය කුමාර යන දෙදෙනා අත්අඩංගුවට ගන්නවා. මේ අයට තිබෙන චෝදනාව තමයි කප්පම් ලබා ගැනීම සඳහා දෙමළ පුද්ගලයින් පැහැර ගෙන ගොස්‌ අතුරුදහන් කිරීම. මේ අය එවැනි දෙයක්‌ කලා නම් අත්අඩංගුවට ගැනීමේ කිසිම වරදක්‌ නෑ. නමුත් කිසිම පුද්ගලයෙකු මේ අය පැහැර ගත් බවට පැමිණිලි කරලා නෑ. ඇත්තටම කප්පම් ගත් බවට චෝදනා ලබා නාවික හමුදාවෙන් ඉවත් කළ නිලධාරීන් දැන් සාක්‌ෂිකරුවන් කර ගෙන යුද බිමේ දස්‌කම් පෙන් වූ බුද්ධි අංශ නිලධාරීන් අත්අඩංගුවට ගන්නවා. යුද ජයග්‍රහණයේ දී බුද්ධි අංශ සිදු කළ සුවිශේෂී කාර්යභාරයට අද බෙදුම්වාදීන් තමන් පත් කළ ආණ්‌ඩුව හරහා පළි ගන්නවා. ඒ වගේම තමන්ට පැහැර ගැනීම් කරන්න උපදෙස්‌ ලැබුණේ හිටපු නාවික හමුදාපති අද්මිරාල් කරන්නාගොඩ සහ හිටපු ආරක්‌ෂක ලේකම් ගෝඨාභය රාජපක්‌ෂ මහතාගෙන් බවට සාක්‌ෂි දුන්නොත් පිටරට ආරක්‌ෂිතව යවන බවට පොලීසිය මේ අයට ප්‍රකාශ කරනවාලු.

එක්‌නැලිගොඩ නඩුවේ දී වගේම චෝදනා ගොනු කරලා තිබෙන්නේ මිනී මැරීමේ චෝදනාව යටතේ. අපි උගත් නීතිය අනුව නම් මිනී මැරීමේ චෝදනාව ගොනු කරන්න නම් එක්‌කෝ මිනියක්‌ හමු වී තිබිය යුතුයි. නැතිනම් මිනී මැරුම ඇසින් දුටු සාක්‌ෂිකරුවෙකු සිටිය යුතුයි. මේ දෙකම නැතුව මිනී මැරීමේ චෝදනා ගොනු කිරීමේ දුෂ්ට අරමුණ කුමක්‌ද? මේ චෝදනාව ගොනු කළාම ඇප ලබා දෙන්න බෑ. දිගු කාලයක්‌ අත්අඩංගුවේ ඉන්න විට හිතේ හයිය දිය වෙනවා. ලියලා දෙන ඕනෑම දෙයකට අත්සන් කරලා ඇප ලබා ගන්න හිතෙනවා. එක්‌නැලිගොඩ අතුරුදහන් වීම පිළිබඳ අත්අඩංගුවට ගත් සාජන්ට්‌ මේජර්වරයෙකු එහෙම බොරු සාක්‌ෂියකට අත්සන් කරලා ඇප ලබා ගත්තා.

කවුද මේ කොමාන්ඩර් රණසිංහ? 2001 මැයි 23 කන්තලේ ගංතලාව බෝම්බයකට හසු වුණු නාවික හමුදා කණ්‌ඩායමේ 18 න් 17 ක්‌ම මැරුණා. රණසිංහත් මැරුණා කියලා හිතුවේ. නමුත් දැන් ඔහු 60% ක්‌ ආබාධිතයි. කනක්‌ ඇහෙන්නේ නෑ. ඇසක්‌ පේන්නේ නෑ. වරින් වර කලාන්ත වෙනවා. නමුත් ඔහු ආබාධිත වුණත් රට වෙනුවෙන් සිය යුතුකම් ඉටු කිරීම අත්හැරියේ නෑ. ඊට පසු 51 වතාවක්‌ මරා ගෙන මැරෙන ඇඳුම් කට්‌ටල සහ බෝම්බ සොයා ගෙන තිබෙනවා. නාවික හමුදා ඉතිහාසයේ ක්‌ෂේත්‍රයේ දැක්‌ වූ දක්‌ෂතාවයට උසස්‌වීම් ලැබිලා තිබෙන්නේ නවදෙනකුට පමණයි. ඔහු එයින් කෙනෙක්‌. මේ ආණ්‌ඩුව විසින් නිදහස්‌ කළ අය අතරේ ත්‍රිකුණාමලයේ සිට කොළඹට බෝම්බ ලොරියක්‌ පදවා ගෙන පැමිණි කොටි ත්‍රස්‌තයා ඉන්නවා. ඔහුව අත්අඩංගුවට ගත්තේ කොමාන්ඩර් රණසිංහ. අපූරු දේශප්‍රේමයක්‌. කොටියා එළියට. ඌව ඇල්ලූ රණවිරුවා ඇතුළට.

මේ සතියේ තවත් නාවික හමුදා නිලධාරින් දෙදෙනෙකු අත්අඩංගුවට ගන්නා බවට රහස්‌ පොලීසියෙන්ම අපට තොරතුරු ලැබෙනවා. ඒ ලුතිනන් කොමාන්ඩර් ප්‍රසාද් හෙට්‌ටිආරච්චි සහ කේ. ජී. එන්. ජී. වික්‍රමසූරිය යන අයයි. මේ වගේම රහස්‌ පොලීසිය සහ නීතිපති දෙපාර්තමේන්තුව සැබෑ අපරාධකරුවන් සාක්‌ෂිකරුවන් බවට පත් කරලා රවිරා- ඝාතනයටත් ප්‍රසාද්ව අත්අඩංගුවට ගත්තා. මේ වගේම කරන්නාගොඩ සහ ගෝඨාභයගේ උපදෙස්‌ මත ඝාතනය සිදු කළ බව කියන මෙන් බල කළා. ඒක නොකළ නිසා වසරකට අධික කාලයක්‌ අත්අඩංගුවේ ඉඳලා අවසානයේ දී අධිකරණය විසින් නිදොස්‌ කොට නිදහස්‌ කළා. 

රණවිරුවන්ට මේ අපරාධය කරන්න එපා කියලා අපි ආණ්‌ඩුවට කියනවා. ජනාධිපතිතුමා මේ ලැ-ජා සහගත සිදුවීම පත්තරයෙන් වත් දැන ගනිත්වා කියලා ප්‍රාර්ථනා කරනවා.

කරු ජයසූරිය මැතිතුමාට මේ රටේ විශාල ගෞරවයක්‌ තියෙනවා. මමත් දිර්ඝ කාලයක්‌ එතුමාට ගෞරව කරපු ආදරය කරපු චරිතයක්‌ කියලා එතුමා පෞද්ගලිකවම දන්නවා. එතුමා ව්‍යාපාරික ක්‌ෂේත්‍රයේ, තනාපති ක්‌ෂේත්‍රයේ, නගරාධිපති කෙනෙක්‌ විදිහට, පළාත් සභාවේ විපක්‌ෂ නායකයෙක්‌ විදිහට, ආණ්‌ඩුවේ ඇමැති කෙනෙක්‌ විදිහට, ගෞරවනීය චරිතයක්‌ වුණා. නමුත් කතානායක වුණාට පස්‌සේ එතුමාගේ ගෞරවය කෙලෙසෙන්න පටන් ගත්තා. කරු ජයසුරිය මැතිතුමා ඇත්තටම කරු ජයසුරිය මැතිතුමාට ආදරෙයි නම් එතුමා කළ යුත්තේ ආත්ම ගෞරවය රැක ගන්න එතුමා කළ යුත්තේ කථානායක ධුරයෙන් ඉවත් වීමයි. ඔබතුමා කථානායක පුටුවේ රැඳෙන්න රැඳෙන්න ඔබතුමාට තිබුණු දැවැන්ත ප්‍රතිරූපය වේගයෙන් පිරිහෙමින් පවතිනවා. ඔබතුමා ඉදිරියේ ඔළුව නවන බොහෝ දෙනෙක්‌ ඔබතුමා නැති තැන අසභ්‍ය වචන වලින් බැණ වදිනවා. ඒක ඇහෙද්දී අපිට ගොඩක්‌ වේදනයි. මොකද අපි ඔබතුමාට ගොඩක්‌ ආදරය කලා, ගෞරව කළා. ඔබතුමා ඔය තනතුරේ අගමැතිතුමාගේ සුවච කීකරු කතානායක විදිහට හැසිරෙනවා නම් ඔබතුමා තනතුරේ ඉන්න ඉන්න ගෞරවය පිරිහෙනවා කියන එක එතුමාට ආදරයෙන් සිහිපත් කරන්න කැමතියි. 

මෙම මාධ්‍ය හමුවට පිවිතුරු හෙළ උරුමයේ ජාතික සංවිධායක මධුමාධව අරවින්ද මහතා සහ එම පක්‌ෂයේ ජාත්‍යන්තර කටයුතු පිළිබඳ ලේකම් සුගීෂ්වර බණ්‌ඩාර මහතාද එක්‌විය.

එරික්‌ ගාමිණී ජිනප්‍රිය
http://www.divaina.com/2017/03/15/news29.html

Pic Source

ලංකාවේ යළි ISIS! කාත්තන්කුඩිහිදී ගැටුම් ඇති කරගත් එක්‌ පිරිසක්‌ අයිසීස්‌ හිතවාදීන්! - මුසලුවෝම සහතික වෙති

කාත්තන්කුඩි ප්‍රදේශයේ පසුගිය සිකුරාදා ගැටුම් ඇතිකරගත් ඉස්‌ලාමීය පාර්ශ්ව දෙකෙන් එක්‌ පාර්ශ්වයක්‌ අයි. එස්‌. අයි. එස්‌. සංවිධානයට ප්‍රසිද්ධියේ සහය දෙන කණ්‌ඩායමක්‌ බව ශ්‍රී ලංකා පූර්ව මුස්‌ලිම් ජාතිකයන්ගේ සංවිධානයේ ප්‍රකාශකයෙක්‌ "දිවයින"ට පැවසීය.

කාත්තන්කුඩිහිදී පසුගිය සිකුරාදා ඉස්‌ලාමීය පාර්ශ්ව දෙකක්‌ අතර ඇති වූ ප්‍රචණ්‌ඩ ක්‍රියා හා ගැටුම් සම්බන්ධයෙන් අදහස්‌ දැක්‌ වූ පූර්ව මුස්‌ලිම් ජාතිකයන්ගේ සංවිධානය ඉස්‌ලාම් ආගම හැරගිය කණ්‌ඩායමකි.

මෙම ප්‍රචණ්‌ඩ ක්‍රියාව සම්බන්ධයෙන් රජය හා ආරක්‍ෂක අංශ දැඩි පරීක්‍ෂණ පැවැත්විය යුතු බවද ඉස්‌ලාමීය ත්‍රස්‌තවාදය ශ්‍රී ලංකාවෙන් මුලිනුපුටා දැමිය යුතු බවද පැවසූ හෙතෙම අන් රටවලින් මුදල් ගෙන ඉස්‌ලාම් ආගම වපුරන මුවාවෙන් ත්‍රස්‌තවාදය අන්තවාදය හා වෛරය වපුරමින් සිටින ඉස්‌ලාම් කණ්‌ඩායම් එකිනෙකා සමඟ ප්‍රසිද්ධියේ ගැටුම් ඇති කර ගනිමින් සිටින තත්ත්වයට පත්ව ඇතැයිද කීය. කාත්තන්කුඩි ප්‍රදේශයේ ජීවත් වන පූර්ව මුස්‌ලිම් ජාතිකයන්ගෙන් ලද තොරතුරු අනුව මෙම ප්‍රචණ්‌ඩ ක්‍රියාවට සම්බන්ධ එක්‌ පාර්ශ්වයක්‌ ප්‍රසිද්ධියේ අයිසීස්‌ සංවිධානයට සහාය දෙන බවද ඔවුන්ගේ දේශනා හා මතවාද නිසා කාත්තක්‌කුඩි පූර්ව මුස්‌ලිම් ජාතිකයන්ට මරණ තර්ජන එල්ල වී ඇතැයිද ඉහත ප්‍රකාශකයා කීවේය.

අජිත් අලහකෝන්
http://www.divaina.com/2017/03/15/news16.html

Pic Source

සබැඳි ලිපි -
[
ලංකාවේ ප්‍රදේශ 6 ක ISIS ත්‍රස්‌තයෝ
http://denethharinna.blogspot.com/2016/03/6-isis.html
අයි එස්‌ සංවිධානය සමඟ සබඳකම් පවත්වන අය නැගෙනහිර සිටිනවා - බුද්ධි අංශhttp://denethharinna.blogspot.com/2015/07/blog-post_30.html"අබු සුරෙයියා සයිලානි" ගලේවෙලින් කටුනායකට... එතැනින් සිරියාවට... එතැනින් අයි.එස්‌.අයි.එස්‌.ට... තහනම් වචනය රටේ ආරක්ෂාව!http://denethharinna.blogspot.com/2015/07/blog-post_28.htmlමස්‌සිනාත් අයිසිස්‌ ත්‍රස්තයෙක්. ශ්‍රී ලාංකික අයිසිස්‌ ත්‍රස්‌තයාගේ පවුලේ 10 ක්‌ ඉරාකයට පැනලා.http://denethharinna.blogspot.com/2015/07/10_28.htmlඅයි. එස්‌. ත්‍රස්‌ත මුසලු විදුහල්පතිගේ පවුලම කලින්ම ශ්‍රී ලංකාව හැරගිහින්...http://denethharinna.blogspot.com/2015/07/blog-post_25.html"සයිලානිට" පමණක්‌ ලඝු නොවන අනාගත ISIS රාජ්‍යයට ලංකාවත් අයත් විටෙක සිහළ සමාජය තුළ සැඟවෙමින් වැඩෙන මූසලු අන්තවාදය ගැන සිතන්නට යමක්‌http://denethharinna.blogspot.com/2015/07/isis.htmlඅයිසිස්‌ ත්‍රස්‌තයන්ට එක්‌ වූ ශ්‍රී ලාංකික මුසලු සයදරු පියා - ෂර්පාස්‌ නිලාම් මුෂින් හෙවත් අබු සයිල් ආනිhttp://denethharinna.blogspot.com/2015/07/blog-post_84.htmlශ්‍රී ලාංකික අයි එස්‌ අයි සටන්කරුගේ පැටිකිරිය - ඉපදුනේ 77. දරුවන් 6යි.http://denethharinna.blogspot.com/2015/07/77-6.htmlඅයි එස්‌ අයි එස්‌ සංවිධානයට එක්‌ වූ පළමු ශ්‍රී ලාංකිකයා අබු ෂුරේන් සයිලානි ගුවන් ප්‍රහාරයකින් මරුටhttp://denethharinna.blogspot.com/2015/07/blog-post_94.html
ඇමරිකානු රහස්‌ ලියවිල්ලෙන් ලෝක පාතාල කණ්‌ඩායමක්‌ සමඟ ගනුදෙනු කළ මෙරට මුස්‌ලිම් දේශපාලනඥයකු ගැන හෙළි වේ
http://denethharinna.blogspot.com/2014/06/blog-post_4018.html
ලාංකීය මුසලු ත්‍රස්තයෝ ලොව පුරා? මහනුවර හුසේන් ඉන්දියාවේදී කොටු වූ පසු මෙමස දෙවැනි ලාංකික අල්ඛයිඩා මුසලුවා මැලේසියාවෙන්http://denethharinna.blogspot.com/2014/05/blog-post_1051.htmlජාත්‍යන්තර සබඳකම් ඇති ඉස්‌ලාමීය සංවිධාන 13 ක්‌ සහ අන්තවාදී සංවිධාන 4 ක්‌ කොළඹ ක්‍රියාත්මකයි - ඇමරිකානු රහස්‌ ලියවිල්ලක්‌ හෙළි කරයි! විකිලික්ස්, ඉන්දියානු සහ ඇමරිකානු ඔත්තු සේවා දිගින් දිගටම හෙළි කලත් ආණ්ඩුවට නිදි!http://denethharinna.blogspot.com/2014/05/13-4.htmlමෙරට ඔත්තු සේවා මුසලු ත්‍රස්තවාදය හමුවේ නිදි. පාකිස්‌තාන් ත්‍රස්‌ත ජාලයට සම්බන්ධ නුවර මුසලු ත්‍රස්තවාදියා ඉන්දියාවේදී දැලේhttp://denethharinna.blogspot.com/2014/05/blog-post.html
]

Sunday, March 12, 2017

මුසලුවන් බලෙන් අල්ලන නැගෙනහිර සිංහල ඉඩම් උරුමය - පුන්නකුඩා අක්‌කර 500 ක ඉඩම

මඩකලපුවේ සාමයට යළි භීෂණයක්‌ එක්‌ කරමින් 22 වැනිදා රාත්‍රියේදී මඩකලපුව ඉඩම් ප්‍රතිසංස්‌කරණ කොමිෂන් සභාවේ අධ්‍යක්‌ෂ විමලරාඡ් නේෂන් මහතාට දෙදෙනකු නිවසට පැමිණ වෙඩි තබා පලාගියහ. මේ සිදු වූයේ කුමක්‌ද? පසුගියදා පුන්නකුඩා සිදුවූ ඉඩම් ගැටලුව මෙයට මුල් වූවාදැයි ඇතැමුන් ප්‍රශ්න නගන්නට වූහ. 

එදා නැඟෙනහිර පළාතේ මඩකලපුව වූ කල යුද්ධය දරුණුවටම පැවතුණු මරණයේ පුරවරයකි. නමුත් සාමය උදාවීමත් සමඟම ඒ සියල්ල නැවතුනි. යුද්ධයට පෙර මඩකලපුව පුරාවට සිටි තිස්‌ හතළිස්‌ දාහක පිරිසට අත්වූයේ අන්ත අසරණ භාවයමය. වසර ගණනක්‌ පැවති යුද්ධය නිමාවී ආ සිංහලයින් දුටුවේ තමන්ගේ ඉඩකඩම් වලට ඔප්පු තිරප්පු හදාගෙන වෙනත් පුද්ගලයන් විසින් අත්පත් කරගෙන තිබෙන ආකාරයයි. මේ වන විටත් සාමයේ නාමය අස්‌සෙන් ඒ ඉඩම් කොල්ලය ජයටම මේ පුරවරයේ සිදුවේ.

විටෙක ඉපැරණි පුදබිම් ගල්කණු ගළවා දාගැබ් විනාශ කර ඔප්පු තිරප්පු හදාගනිමින් සිටිති. විවිධාකාරයෙන් ව්‍යාජ ලිපි ලේඛන සාදා ඉඩකඩම් කොල්ලය ජයටම සිදු කරමින් සිටිති. මේ වන විට මඩකලපුව පුරාවටම ඉඩම් විවිධාකාරයෙන් සිදු වෙමින් තිබේ. අපි දැන් කතා කරමින් සිටින්නේ පුන්නකුඩා ඉඩම් ආරාවුල පිළිබඳවය. 

පුන්නකුඩාවල ඉඩම් ගැටලු දෙයාකාරයකින් තිබේ. එක්‌ කරුණක්‌ වන්නේ සිංහලයින් පදිංචි ඉඩම් අහිමිව තිබීමය. අනෙක්‌ ගැටලුව වන්නේ ඉඩම් ප්‍රතිසංස්‌කරණ කොමිෂන් සභාවට අයත් අක්‌කර 500 න් කොටසක්‌ බලෙන් ඇතැම් පිරිස්‌ අත්පත් කරගෙන සිටීමයි. 

ඉඩම් ප්‍රතිසංස්‌කරණ කොමිෂන් සභාවට අයත් අක්‌කර 500 ක ඉඩමක්‌ එරාවුර්, පුන්නකුඩා ප්‍රදේශයේ තිබේ. මෙම ඉඩම්වලට පසුගියදා නරක කලදසාවක්‌ උදාවුණි. ඒ රටේ නීතිය තුට්‌ටුවකට මායිම් නොකරමින් දිගින් දිගටම එම ඉඩම බලෙන් අත්පත් කරගන්නට ඇතැම් මුස්‌ලිම් පිරිසක්‌ කටයුතු කරමින් සිටීමයි. මෙම ඉඩම් පරීක්‌ෂා කිsරීම සඳහා පසුගිය දිනක විමලරාඡ් නේෂන් මහතා එම ප්‍රදේශයට ගිය අතර එම අවස්‌ථාවේ එම ස්‌ථානයේදී කිsහිප දෙනෙක්‌ ඔහුට පහරදීමටද උත්සාහ දරා තිබේ. ඒ අවස්‌ථාවේ පොලිස්‌ නිලධාරීන් විසින් එම පහරදීම වළක්‌වා තිබේ. මේ සම්බන්ධව විමලාරාඡ් මහතා එරාවුර් පොලිසියටද පැමිණිලි කර තිබේ. පසුව එරාවුර් පොලිසිය මගින් කිහිප දෙනෙකු අත්අඩංගුවට ගෙන අධිකරණයට ඉදිරිපත් කර තිබුණි.

මේ ආකාරයෙන් අවනිතිය මේ ප්‍රදේශයේ රජ කිරීම සුලභව සිදු වෙති. හොරෙන් අල්ලා ගන්නා ඉඩමකට අවශ්‍ය ආකාරයෙන් ඔප්පු තිරප්පු හදාගැනීම සඳහා බොහෝ දෙනෙකු අති දක්‌ෂය. ඒවා ගැන මෙලෝ යකෙක්‌ හොයන්නේද නැත. ඇතැම් රාජ්‍ය නිලධාරීන්ගේ සහාය ඇතුව මෙම ප්‍රදේශයේ ඕනෑම ස්‌ථානයක ඉඩමකට ලිපි ලේඛන සාදා ගැනීම අපහසු කරුණක්‌ නොවී ඇත. ඒ සඳහා මුදලට සහ ජාතිවාදී ආකල්පයෙන් කටයුතු කරන බොහෝ නිලධාරි කොටස්‌ මෙම කාර්යාල තුළ හිඟයක්‌ නොමැතිව ඇත්තේය. එය අපිට මැනවින් ඔප්පු වන්නේ මෙම අසාධාරණයන්ට එරෙහිව නිසි ආකාරයෙන් රාජ්‍ය නිලධාරි යාන්ත්‍රණය ක්‍රියාත්මක නොවීමය.

පුන්නකුඩා ඉඩම් මුස්‌ලිම් ජනයා අල්ලන්නට කුලප්පු වූවේ පුන්නකුඩා ප්‍රදේශයේදී සිංහල ජනයා පදිංචි කිරීමට උත්සාහ කිරීමත් සමඟය. කොටි කලබල ආරම්භ වන සමයේ මෙම පුන්නකුඩා ප්‍රදේශයේ සිංහල පවුල් 125 ක්‌ පමණ පදිංචිව සිටින ලදී. ඊට අමතරව වසරේ මාස හයක පමණ කාලයක්‌ ධීවර කටයුතු සඳහා ඒ සමයේ තවත් දෙතුන් දහසක පිරිසක්‌ මෙම දකුණු පළාතේ සිට මෙම පුන්නකුඩා ප්‍රදේශයට පැමිණෙති.

83 ජූලි කලබල සමයේ බොහෝ සිංහලයින් පිරිසක්‌ මෙම පුන්නකුඩාව අත්හැර ගියේ ජීවිත බේරා ගැනීමටය. 1987 වසරේදී කොටි කලබල බෙහෙවින් උත්සන්න වීම නිසා බොහෝ දෙනෙකු එරාවුර් නගරය ආසන්නයට පදිංචියට යන ලදී. නමුත් වූයේ එම අවස්‌ථාවේදී සිංහලයන් 50 කට ආසන්න පිරිසක්‌ කපාකොටා ඝාතනය කර දැමීම නිසා වැලි පොළව රක්‌ත වර්ණ ලෙයින් පෙඟී යන්නට වීමය.

මාස 03 ක්‌ පමණ කාලයක්‌ මෙම පුන්නකුඩා සහ එරාවුර් වැසියෝ එරාවුර් අලියාර්¨ මහා විද්‍යාලයේ රැඳී සිටින්නට වූහ. අනතුරුව මෙම පිරිස දිවි බේරාගෙන අසරණව උන්සිටි තැන් අහිමිව සරණාගතයන් බවට පත්ව එරාවුර්වලින් පිටත්ව යන ලදී. නැවතත් යුද්ධයෙන් පසු 2009 දී නැවත එරාවුර්වලට පැමිණි සිංහල ජනයා අන්ත අසරණ වූහ. බොහෝ දෙනෙකුගේ ඔප්පු ඉඩම් පවා අල්ලා තිබුණි. ඒ සමයේ පුන්නකුඩා ගම්මානයේ සිංහල ජනතාවගේ නිවාසවල අත්තිවාරම් තවමත් ඉතිsරිව තිබේ.

මේ වන විට නොයෙක්‌ බාධක මැද පුන්නකුඩා ප්‍රදේශයේ පදිංචිව සිටින ඒ. ජී. සමන් තිලකසිරි මෙසේ පවසා සිටියේය.

ඉස්‌සර අපිට පුන්නකුඩාවල අපේ ගම්මානයේ අක්‌කර 55 ක්‌ තිබ්බා. එක්‌ අයෙකුට පර්චස්‌ 40 ගාණේ තිබුණා. යුද්ධයෙන් පස්‌සේ අපේ ඉඩම් වෙනින් අය අල්ලලා තිබ්බා. පස්‌සේ අපි පදිංචි වෙන්න ගියාම මුස්‌ලිම් කාන්තාවකට හම්බන්තොට වරාය හදද්දි ගත් ඉඩමක්‌ වෙනුවට කියලා අක්‌කර 35 ක්‌ අපේ පුන්නකුඩාවලින් දීලා තිබ්බා. 

අපිට තියෙන ගැටලුව හම්බන්තොට වරායට ඉඩම් ගත්තනම් ඒවාට එහෙන් දෙන්න තියෙන්නේ. අපි පදිංචි වෙලා හිටිය ඉඩම්වල මේ විදිහට අක්‌කර 35 ක්‌ වෙනත් අයෙකුට ලබාගන්න ඉඩ දීලා අපිට පර්චස්‌ 20 ගානේ දෙන්නේ මොන ආකාරයෙන්ද කියලයි අපිට තියෙන ගැටලුව.

මේ ආකාරයෙන් උතුර නැගෙනහිර මුස්‌ලිම් සහ දෙමළ ජනයා පදිංචි කරමින් සිටිති. නමුත් උතුරු නැගෙනහිර සිංහලයින් පදිංචි නොකරති. පදිංචි කරවන්නට හැදුවත් එය එපා වාහෙට හොදි බෙදන්නා සේය. බලන්නේ සිංහලයන් පන්නා දමන්නටය.

මෙම නිලධාරිවරයාගේ එම අවස්‌ථාවේ ක්‍රියා කලාපය ගැන අපිට ගැටලු සහගත තත්ත්වයක්‌ ඇත. මේ ආකාරයෙන් සිංහල ජනයා පදිංචිව සිටි ඉඩමෙන් අක්‌කර 35 ක්‌ එක්‌ අයෙකුට දුන්නේ කුමන ආකාරයෙන්ද කියාය.

නමුත් මෙම සිදුවීමෙන් පසුව සිදු වූයේ ඉඩම් ප්‍රතිසංස්‌කරණ කොමිෂන් සභාවට අයත් පුන්නකුඩා අක්‌කර 500 ඉඩමෙන් බලෙන් අත්පත් කරගන්නට පටන් ගැනීමය. එම අවස්‌ථාවේදී විමලරාඡ් නේෂන් සිය රාජකාරිය නිසි පරිදි කරන්නට උත්සාහ ගත්තේය.

ඒ අනුව අනවසරයෙන් ඉඩම් අත්පත් කරගත් කිහිප දෙනකු අධිකරණ හමුවටද ගෙනයන්නේය. මේ තත්ත්වය මත ඉඩම් අධ්‍යක්‌ෂකවරයාට විටින් විට මෙම ඉඩම් ගැටලුව නිසා බලපැම් ඇති වන්නේය.

22 වැනිදා රාත්‍රී 7.30 පමණ කලවංචිකුඩි පොලිsස්‌ බල ප්‍රදේශයේ කළුදාවලි පිහිටි තම නිවසේ විමලරාඡ් මහතා බිරිඳ සහ දරුවා සමඟ සිටින්නට විය. ඒ අවස්‌ථාවේ ගමනක්‌ යෑම සදහා විමලරාඡ් මහතා නිවෙසේ ඉදිරිපිට සිටින්නට විය. එවිට යතුරුපැදියකින් දෙදෙනෙක්‌ පැමිණියහ. ඉන් එක්‌ අයෙකු ඔයාද විමලරාඡ් යනුවෙන් අසන්නට වූවේය. විමලරාඡ් මහතා ඔව් කියා පවසත්ම ඒ සමඟම පැමිණි පුද්ගලයා ඇඳ සිටි කබාය තුළින් පිස්‌තෝලයක්‌ ගෙන වෙඩි කිහිපයක්‌ තබන්නේය. ඉන් එක්‌ උණ්‌ඩයක්‌ අතට වැදුනි. අනෙක්‌ වෙඩි උණ්‌ඩය සිරුරේ ඉළඇට පේලි පිහිටා ඇති ප්‍රදේශයට වැදෙන්නේය. මේ සියල්ල පාසල් ගුරුවරියක්‌ වූ ඔහුගේ බිරිඳ ද දුටුවාය. වෙඩි හඬ ඇසී අසල්වාසින් එද්දී යතුරු පැදියේ නැගි ඝාතකයෝ පැන යන්නට වූහ. වෙඩිවැදී තුවාල සිදුවූ ඒ මහතා බිම ඇද වැටෙද්දී ඉතා ඉක්‌මනින් කලවංචිකුඩි රෝහලට ගෙනයන ලදී. ඉන්පසුව වැඩිදුර ප්‍රතිකාර සඳහා මඩකලපුව රෝහල වෙත ගෙන යන ලදී. 

මේ වන විට විමලරාඡ් මහතා වැඩිදුර ප්‍රතිකාර කිsරීම සඳහා කොළඹ ජාතික රෝහලට ඇතුළත් කර තිබේ.

මේ වෙඩි තැබීම පිළිබඳව පොලිස්‌ කණ්‌ඩායම් 05 ක්‌ පරීක්‌ෂණ ආරම්භ කර තිබේ. මේ වන විට බොහෝ පිරිසකගෙන් ප්‍රශ්න කිරීම් සිදුකර ගෙන යමින් තිබේ. මේ සටහන තබන මොහොත වන විටත් නිසි තොරතුරක්‌ මෙම සිදුවීම සම්බන්ධයෙන් අනාවරණය වී නොතිබුණි.

දැනගන්නට ඇති පරිදි මෙම නිලධාරිවරයාට වෙනත් තර්ජනයක්‌ තිබි නොමැත. තර්ජනයක්‌ ඇතිවූයේ පුන්නකුඩා සිදුවීමෙන් පසුවය. ඒ ඉඩම් මංකොල්ලය වළක්‌වන්නට ගිය නිසාවෙනි. මෙම ප්‍රදේශවල සිදුවන මහා පරිමාණ ඉඩම් කොල්ලවලට ඇතැම් රාජ්‍ය නිලධාරීන්ද අවශ්‍ය පහසුකම් සලසා දෙති. ඒ නිසා අදාළ ලිපි ලේඛන හොර රහසේ සාදා ගනිති. නමුත් මේ තත්ත්වය වෙනස්‌ කරවන්නට ගිය කළ බොහෝ දෙනෙකුගේ උදහසට එම තැනත්තා හසුවේ. ඒ නිසා ඒ වෙනුවෙන් මෙම ඝාතන තැත සිදුවුණා දැයි බොහෝ දෙනෙකු සැක කරනු ලබයි.

මෙම ඉඩම් ආරවුල් ඇති ප්‍රදේශයේ හිටපු ඉහළ පොලිස්‌ නිළධාරියකුගේ ඉඩමක්‌ ඇති බවත්, ඔහු මෙම වෙඩි තැබීම හා සම්බන්ධතාවක්‌ ඇති බවටත් රාවයක්‌ පැතිර යමින් තිබේ. නමුත් මෙය සටහන් තබන මොහොත වන විටත් මෙම ඝාතන තැත සිදු කළේ කවුදැයි කියා අනාවරණය වී නොතිබුණි.

මීට පෙරද නිසි පරිදි රාජකාරි කටයුතු කරන්නට ගිය නිලධාරීන් නැගෙනහිරදී මරා දමා තිබේ. එසේ නම් මේ සිදුවුයේ එවැනි දෙයක්‌ද? එසේ නොමැති නම් වෙනත් හේතුවක්‌ද කියා නුදුරේදීම පොලිසියේ දක්‌ෂතාව මත අනාවරණය වනු ඇත. නමුත් මේ වන විට මෙම ප්‍රදේශයේ ඇත්තේ ඉඩම් මංකොල්ලයකි. ඒ වෙනුවෙන් නීතිය තුට්‌ටුවට දමා කැලෑ නීතිය අතට ගෙන බොහෝ දෙනෙකු කටයුතු කරමින් සිටිති. ඒ සදහා අදාළ ආයතන නිහඬතාවයෙන් කටයුතු කරන නිසා මෙවැනි දේවල් තව තවත් වර්ධනය වෙමින් තිබේ.

පසුගිය සමයේ කරදියන්ආරු ප්‍රදේශයේ දී පුරාණ රජමහ විහාරයක දාගැබක්‌ මතින් වැට ගසා ගල්කණු උගුල්ලා දමා පුරාවස්‌තු සහිත භුමිය සීසා වගා කර සිටියදී ඒ පිළිබඳව මඩකලපුව මංගලාරාම විහාරාධිපති අම්පිටියේ සුමනරතන හිමියන් පොලිසියට පැමිණිලි කළද පොලිසිය නිහඬය. නමුත් බොදුබල සේනා සංවිධානය ඇතුළු මහා පිරිසක්‌ මඩකලපුව පිංකමකට එන්නට සුදානම් වූ අවස්‌ථාවේ කරදියන්ආරු පොලිසිය එම පුදබිම පුද්ගලික ඉඩමක්‌ ලෙස දක්‌වමින් පුද්ගලික ඉඩමකට බලෙන් ඇතුළුව විහාරස්‌ථානයක්‌ සෑදීම වළකාළීම සදහා උසාවි නියෝගයක්‌ද ගන්නා ලදී.

පුරාවස්‌තු සහිත ඉඩම වැනසූ නරුමයන් අත්අඩංගුවට ගන්නවා වෙනුවට පොලිසිය එවර කළේ එම නරුමයන්ගේ ක්‍රියාව සාධාරණය කිරීමය. පුන්නකුඩා සිංහල ජනතාවගේ ඉඩම් නැවත ගන්නට ගිය කළ එරාවුර් පොලිසියද කටයුතු කළේ ඒ ආකාරයෙනි. ඉහත පිරිස පැමිණෙන බව දැනගෙන කලබල වුණ පොලිසිය දෙමළ ජනතාවගේ ඉඩම් සිංහල ජනතාවගේ යෑයි පවසමින් විරෝධතාවක්‌ පවත්වන්නට යන බව පවසමින් වාරණ නියෝගයක්‌ද එම අවස්‌ථාවේ උසාවියෙන් ලබා ගන්නා ලදී. මේ දැක්‌වූයේ නිදසුන් දෙකකි. මේ ආකාරයෙන් වැරැදි දැක දැක ඒ වැරැදිවලට නිහඬව සිටීමෙන් පොලිසියද මේ සඳහා වක්‍රව නිහඬ ආශිර්වාදයක්‌ ලබා දෙමින් සිටිති.

ඒ අනුව මේ ආකාරයෙන් තමන්ට අභිමත ආකාරයෙන් ඉඩම් මංකොල්ල කන්නට බොහෝ පිරිසක්‌ කටයුතු කරමින් සිටිති. මේ සිදුවීමට අදාළව ඇත්තේ පුන්නකුඩා ඉඩම් ගැටලුව නම් මින් ඉදිරියට රාජ්‍ය නිලධාරීන්ට නිසිසේ තම රාජකාරි කටයුතු කිරීමට නොහැකි වනු ඇත. ඒ අනුව දිගින් දිගටම කැලෑ නීතිය මීටත් වඩා දරුණුවට රජ කරනු ඇත. මේ සියල්ල මැද එරාවුර් ඇතුළු මඩකලපුව පුරාවටද සිටින සිංහල ජනයා කල්ලතෝනියන් සේ අසරණව ඇත. රාජ්‍ය නිලධාරී මාෆියාව ඔවුන් දැඩි සේ පීඩාවට පත් කරමින් ඇත. නමුත් ඒ ගැන කථා කිරීමට කොන්ද පණ තියෙන නායකයන් රටේ නැත. එවැනි තත්ත්වයක්‌ යටතේ මේ ආකාරයේ ක්‍රියා තවදුරටත් සිදු වුවහොත් නැවතත් මඩකලපුව පෙර මෙන් සාමය බිඳවැටි ගොස්‌ ලේ විලක්‌ බවට පත්වනු ඇත.

සුසන්ත අමර බන්දු
http://www.divaina.com/2017/03/12/feature05.html

Pic Source - Hiru News

සබැඳි ලිපි -
[
මඩකලපුව-එරාවුර්-පුන්නුකුඩා රජයේ ඉඩම් මුසලුවෝ බලෙන් අල්ලති!
http://denethharinna.blogspot.com/2017/02/blog-post_22.html
]

සංසාරයත් සංස්‌කාරත් අතර ඇති සංසිද්ධිය කෙසේද යත්... මහරහතුන් වැඩි මග ඔස්‌සේ...

පිංවත් ඔබේ කයේ ක්‍රියාකාරිත්වය උදෙසා උපකාරක ධර්මයන් සකස්‌ කරදෙන කාය සංස්‌කාර, ඒ කියන්නේ ආශ්වාස ප්‍රශ්වාසය, රුධිරගමනය, ආහාර ජීර්ණය, ශරීර අපද්‍රව්‍ය බැහැර කිරීම මේ සෑම ක්‍රියාවක්‌ම ධර්මතාවක්‌. නමුත් ඒ ධර්මතාව අනිත්‍ය නිරතුරුවම වෙනස්‌වන ස්‌වභාවයෙන් යුක්‌තයි. මවකට දරු ප්‍රසූතියෙන් අනතුරුව මවුකිරි එරීම ධර්මතාවයක්‌. 

පංචඋපාදානස්‌කන්ධයට අදාළව, සංස්‌කාරයන්ගේ අනිත්‍යභාවය ගැන, මෙම සටහන අවසන් කිරීමට සූදානම්වන මොහොතේ, භික්‍ෂුවගේ භික්‍ෂු ජීවිතයේ මුල් මාස කිහිපය තුළ විපාකයට පැමිණි, කුසල් සංස්‌කාරයක්‌ ගැන මෙහි සටහන් තබනවා. භික්‍ෂුවට මතක්‌වෙනවා මීට වසර අටකට පෙරාතුව, භික්‍ෂුව සාමනේරකෙනෙක්‌ වශයෙන් ආරණ්‍යයක වැඩසිටියදී අහම්බෙන් වගේ සිදුවූ හමුවීමක්‌. ඒ හමුවීම තමයි මෙම ලිපි පෙළ ඉදිරිපත් කරන ඉන්ද්‍රජිත් සුබසිංහ මහත්මයාගේ හමුවීම. කළුතර වසන්ත සර් නමැති පිංවත් ඉංග්‍රීසි ගුරුමහත්මයෙක්‌ගේ (සංස්‌කාරක සටහන - මෙම ලිපිය පළවන මොහොත වන විට හෙතෙම පැවිදි බිමට පත්ව සිටියි) ශිෂ්‍යයන් වශයෙන් ආරණ්‍යයේ පිළිසකර කිරීමේ කටයුත්තකට පැමිණ සිටියදීයි, ඉන්ද්‍රජිත් සුබසිංහ මහත්මයාව, මුල්වරට භික්‍ෂුවට මුණගැසුනේ. යම් හෙයකින් මීට වසර අටකට පෙරාතුව, භික්‍ෂුවට ඉන්ද්‍රජිත් සුබසිංහ මහත්මයා මුණනොගැසුනා නම්, භික්‍ෂුව කැලයේම පිපිලා, කැලයේම පරවෙලා යනවා. කැලයේ බඹරු කැලයේ මලෙන් රොන් අරගෙන, සතුටුවී යනවා පමණක්‌මයි, කරන්නේ. කැලයේ බඹරු කවදාවත් මලෙන් අහන්නේ නැහැ, මේ මල හටගත්තේ කොහොමද කියලා. මේ මල පිපුණේ කොහොමද කියලා. මේ මල සුවඳ හමන්නේ ඇයි කියලා. මේ මල පරවෙලා යන්නේ ඇයි කියලා. කැලේ බඹරුන්ට කැලේ මල්වලින් ඉහත ප්‍රශ්න අහන්න තේරුමක්‌ නැහැ. කැලේ බඹරු මල්වලින් රොන් අරගෙන සතුටුවෙනවා පමණක්‌මයි කරන්නේ.

මෙතැනදී කැලයේ බඹරු යෑයි භික්‍ෂුව සටහන් කළේ, කුටි ආශ්‍රිතව ඈත ගම්මානවල ජීවත්වෙන අහිංසක ජනතාව. කැලේ බඹරු රොන් අරගෙන පමණක්‌ සතුටුවෙනවාය කියලා සටහන් කළේ, එම කුටි ආශ්‍රිත ජනතාව පිණ්‌ඩපාතය බෙදලා සතුටුවෙනවා පමණක්‌මයි. කවදාවත් භික්‍ෂුවගෙන් අහන්නේ නැහැ අපි ඉපදුනේ කොහොමද? කියාලා. අවිද්‍යාව කියන්නේ කියන්නේ කුමක්‌ද කියලා. මනුෂ්‍යයාට සැප දුක්‌ ලැබෙන්නේ කොහොමද කියලා. අපි මැරුණට පස්‌සේ මොනවද වෙන්නේ කියලා. එම ගම්මානවල අහිංසක පිංවතුන් දානයේ සතුට පමණයි ලබන්නේ. 

මීට වසර අටකට පෙරාතුව කැලයේ පිපිලා කැලයේම පරවෙලා යන්නට තිබුණු මලක්‌ 'මහ රහතුන් වැඩි මඟ ඔස්‌සේ' නමින් ලෝකයටම පූජාකොටගත්තේ ඉන්ද්‍රජිත් සුබසිංහ මහත්මයා. එසේ නොවන්න මේ මල කැලයේම පරවෙලා යන්නට තිබුණා. එහෙත් භික්‍ෂුව කැලයේ පිපී කැලයේම පරවී යන මලක්‌ නොවන්නට තිබූ නිසාමයි ඉන්ද්‍රජිත් සුබසිංහ මහත්මයත්, 'දිවයින' පුවත්පත් ආයතනයත්, ඊට උපකාර ධර්මයන් සකස්‌කොට දුන් ගෞරවනීය ස්‌වාමීන්වහන්සේලාත්, ගිහි පිංවතුනුත්, පිංවතියනුත්, කිසිම ආයාසයකින් තොරවම අතීතයේ භික්‍ෂුවට මුණගැසුනේ. 

සංස්‌කාරයන් ලෝකය මුණගස්‌වනවා. ලෝකය පාලනය කරනවා. ලෝකය ගොඩනගනවා. ලෝකය වෙනස්‌කරනවා. ලෝකය විනාශ කරනවා. නමුත් මේ හැම සංස්‌කාරයක්‌ම අනිත්‍යවී යනවා. වෙනස්‌වී යනවා. විකෘතිවී යනවා. අහිමිවී යනවා. 

පංචඋපාදානස්‌කන්ධයට අදාළ සංස්‌කාරයන්ගේ අනිත්‍යභාවය ගැන සටහන අවසන් කරන මොහොතේ, භික්‍ෂුව දෑස්‌ පියාගෙන ආවර්ජනය කරනවා, වර්තමානයේ 'මහ රහතුන් වැඩි මඟ ඔස්‌සේ' ලිපි පෙලෙන් හමුවූ අපි සියලුදෙනාම, වර්තමානයේ එකට ඉඳගෙන මේ සටහන් කියනවා වගේම, මේ සටහන් ගැන සාකච්ඡා කරනවා වගේම, සද්ධර්මය ශ්‍රවණය කරනවා වගේම, අතීතයේ ඔබත් මමත් ජීවමාන බුදුරජාණන්වහන්සේලා ඉදිරියේ සන්සුන්ව වාඩිවී, සද්ධර්ම ශ්‍රවණය කරන්නට ඇති. එකම සම්මා සම්බුද්ධ ශාසනයේ, එකට පැවිදි උපසම්පදාව ලබලා ඉන්නට ඇති. එක අම්මාකෙනෙක්‌ගේ දරුවෝ වෙලා ඉපදිලා ඉන්නට ඇති. එක තිරිසන් අම්මගේ තනබුරුල්ලෙන් එකට කිරි උරාබොන්න ඇති. එකම ප්‍රේත පවුලේ සාමාජිකයන්ව සිටින්නට ඇති. එකම යුදබිමේ එකට මියයන්න ඇති. එකම දංගෙඩියේ පෙළට හිස්‌ගැසුම් කන්න ඇති. එකම ලොහොකුඹු නිරයේ එකට පැහෙන්නට ඇති. එකම සක්‌විති රජුන්ට දාව පුතුන් ලෙස ඉපදෙන්න ඇති. එකම ශක්‍රයට දාව පුතුන් ලෙස ඉපදෙන්න ඇති. එකම මාරයාගේ පිරිවාර සේනාව වී සිටින්නට ඇති. වර්තමානයේ අපි එකට එකතුවී 'මහ රහතුන් වැඩි මඟ ඔස්‌සේ' ලිපි පෙළ කියනවා. සංසාරයක්‌ පුරාවට සංස්‌කාරයන් අනිත්‍යභාවය, විකෘතිභාවය, වෙනස්‌වන ස්‌වභාවය නුවනින් දකිමින් වර්තමානයේ 'මහරහතුන් වැඩිමග ඔස්‌සේ ' සටහන් පෙළ පරිශීලනය කිරීමෙන් රැස්‌වෙන කුසල් සංස්‌කාරයන්ට බැඳෙන්න එපා. සංස්‌කාරයේ විෂමයි, කටුකයි, දුකයි, සැපයි වශයෙන් සංස්‌කාරයන් කෙරෙහි කළකිරීමම ඇතිකරගන්න. 

තව ටික දිනකින් මේ ලිපි පෙළත් අවසන් වෙලා යාවී. එදාට පිංවත් ඔබලාට 'මහ රහතුන් වැඩි මඟ ඔස්‌සේ' කියන නාමයත් මතකයෙන් ගිලිහිලා යාවී. සියලු සංස්‌කාරයෝ අනිත්‍යභාවයට පත්වෙමින් ලෝකය ගලාගෙන යාවී. 'මහ රහතුන් වැඩි මඟ ඔස්‌සේ ' ලිපි පෙළ ප්‍රයෝජනයට ගනිමින්, ගලාගෙන යන ලෝකය උපරිම ආත්මභාව හතකට සීමාකොට ගැනීමට දක්‍ෂ පිංවතා, පිංවතිය 'මහ රහතුන් වැඩි මඟ ඔස්‌සේ ' ගමන් මාර්ගයට අවතීර්ණ වූ දක්‍ෂයන් අතර සැබෑම දක්‍ෂයන් වේවි.

චිත්තානුපස්‌සනාව 25 | ඉදිරිපත් කිරීම - ඉන්ද්‍රජිත් සුබසිංහ, indrajith.media@gmail.com
http://www.divaina.com/2017/03/12/feature30.html

දරුවෙක්‌ සමග ලූපයක්‌ නොමිලේ දෙන දඹුල්ල රෝහලේ හරිපුදුම වෛද්‍යවරිය!

දඹුල්ල මූලික රෝහලට දරු ප්‍රසුතිය සඳහා ඇතුළත්වූ මවුවරුන් සඳහා දැනට සති කිහිපයක සිට දරු උපතෙන් පැය 48 ක්‌ ඇතුළත පළඳවන පසු ප්‍රසව ලූපය පැළඳවීමට කටයුතු කිරීමේදී මවුවරුන්ගේ කැමැත්තෙන් තොරව බලහත්කාරයෙන් දරු උපත් පාලනය සඳහා කටයුතු කර ඇති බවට එල්ලවන චෝදනා හේතුවෙන් රටපුරා ආන්දොaලනාත්මක තත්ත්වයක්‌ ඇතිවී තිබේ.

සෞඛ්‍ය අමාත්‍යාංශයේ පවුල් සෞඛ්‍ය කාර්යාංශය මගින් ලබාදී ඇති උපදෙස්‌ අනුව මෑතකදී දඹුල්ල රෝහලේ සේවයට පැමිණි ප්‍රසව හා නාරිවේද අංශයේ විශේෂඥ වෛද්‍යවරියක්‌ විසින් මෙම පවුල් සැලසුම් ක්‍රමය මවුවරුන් සඳහා හඳුන්වා දුන් පසු එම උපත් පාලන ක්‍රමවේදය ක්‍රියාත්මක කිරීමට යැමේදී ගැටලුකාරී තත්ත්වයක්‌ නිර්මාණයවී තිබේ.

සති කීපයක සිට දඹුල්ල මුලික රෝහළේ ප්‍රසව හා නාරිවේද අංශයට දරු ප්‍රසූතිය සඳහා පැමිණෙන මවුවරුන් දරු ප්‍රසුතියෙන් පසු රෝහලෙන් පිටව යැමට පෙර ඔවුන්ගේ කැමැත්තෙන් තොරව බලහත්කාරයෙන් දරු උපත් පාලනය සඳහා භාවිත කෙරෙන ලූපය නමින් හඳුන්වනු ලබන උපකරණයක්‌ ශරීරයට සවි කිරීම සිදු කරන බවට මුලින්ම චෝදනා එල්ලවිය. එම උපකරණ සවි කිරීමට අකමැති මවුවරුන් නිවෙස්‌වලට යැමට ප්‍රමාද කරමින් බලෙන් අලුත උපන් දරුවා ද සමඟින් වාට්‌ටුවේ රඳවා ගන්නා බවට වූ චෝදනා ද ඒ අතර විය. අලුත උපන් දරුවාගේ ටිකට්‌ කපා ඇති නමුත් උපත් පාලන උපකරණය පැළඳ වීමට අකමැති මවුවරුන්ගේ ටිකට්‌ කැපීම ප්‍රමාද කරමින් කටයුතු කරන බවට හා අලුත උපන් දරුවා හා මව නිවෙස්‌වලට යැමට නොහැකි තත්ත්වයක්‌ උදාවී ඇති බව පවසමින් ඇතැම් පියවරුන් කලහකාරී ලෙස හැසිරුණු සිද්ධීන් ද වාර්තා විය.

ඒ අතරම ඇතැම් මවුවරුන් පසු ප්‍රසව ලූපය සවි කිරීමට කැමැත්ත නොදීම නිසා අලුත් උපන් දරුවාගේ උප්පැන්න සහතිකය ලියාපදිංචි කිරීමට අවශ්‍ය තොරතුරු ඇතුළත් වාර්තාව වාට්‌ටුවෙන් ලබාදීම ප්‍රමාද කරන බවටවූ චෝදනා ගොන්නක්‌ රෝහලට එල්ලවූවා පමණක්‌ නොව ඉකුත් 05 වැනි දින පියවරුන් පිරිසක්‌ ඒ පිළිබඳව රෝහලේ වෛද්‍ය අධිකාරිවරයාටද පැමිණිලි කිරීමට කටයුතු කළහ.

මෙම චෝදනාවන්ට ලක්‌වන වෛද්‍යවරිය සිංහල ජාතික කාන්තාවකි. ඇය මෙම රෝහලට පැමිණීමට පෙර නාවලපිටිය දිස්‌ත්‍රික්‌ මහා රෝහලේ විශේෂඥ වෛද්‍යවරියක ලෙස සේවය කර වාර්ෂික ස්‌ථාන මාරුවීම් ලබා පැමිණ ඇත. ඇයගේ ජාතිය සඳහන් කිරීමට සිදුවන්නේ ඇතැම් මාධ්‍ය ඇය වෙනත් ජාතියකට අයත් කාන්තාවක්‌ බවත් සිංහල ජාතිය වඳ කිරීමට කටයුතු බවට පළවූ වාර්තා සත්‍යයෙන් තොර බව කිව යුත්තකි. ඇයට ඒ සම්බන්ධයෙන් සාධාරණය ඉටු කිරීමට විනා ඇයට එරෙහිව එල්ලවී ඇති චෝදනා සාධාරණය කිරීමට නොවන බවද මෙහිලා සඳහන් කරමු.. 

දරුවන් අතර අවශ්‍ය පරතරය තබා ගැනීම හා අනවශ්‍ය ගැබ් ගැනීම පාලනය කර වඩාත් යහපත් පවුල් ජීවිතයක්‌ සඳහා මවගේ ගර්භාෂය තුළ ලූපයක්‌ තැන්පත් කිරීම සෞඛ්‍ය අමාත්‍යංශය මගින් දැනට වසර ගණනාවක සිට සෞඛ්‍ය වෛද්‍ය නිලධාරී කාර්යාල හරහා සිදු කෙරෙන පවුල් සැලසුම් ක්‍රමයකි. එය බොහෝවිට දරු ප්‍රසුතියෙන් සති හයක්‌ ඉක්‌මවූ පසුව කළ හැකි ක්‍රමයකි. දැනටමත් එය රට පුරා සෞඛ්‍ය වෛද්‍ය කාර්යාලවල සැලසුම් සහගතව සිදුවන්නකි.

මෙම වැඩ පිළිවෙළට සමගාමිව සෞඛ්‍ය හා දේශීය වෛද්‍ය අමාත්‍යංශය යටතට ගැනෙන පවුල් සෞඛ්‍ය කාර්යාංශය මගින් ප්‍රශස්‌ත නිරෝගිමත් ජීවන තත්ත්වයක්‌ සහිත ගුණාත්මක මාතෘ හා ළමා සෞඛ්‍ය සේවාවක්‌ තුළින් දරුවනට හා ඔවුන්ගේ පවුල්වලට ඉහළම සෞඛ්‍ය මට්‌ටමක්‌ සාක්‌ෂාත් කර ගැනීමේ අරමුණින් පවුල් සෞඛ්‍ය පිළිබඳ ජාතික කමිටුව මගින් අනුමැතිය ලද පසු ප්‍රසව ලූපය භාවිතය මෙරට සෞඛ්‍ය සේවා පද්ධතියට අන්තර්ග්‍රහණය කිරීමේ නියමු ව්‍යාපෘතියක්‌ මේ වනවිට ආරම්භ කර ඇත.

දැනගන්නට ලැබී ඇති පරිදි මෙරට ප්‍රධානපෙළේ රෝහල් 20 ක පමණ මෙම නියමු වැඩසටහන ක්‍රියාත්මක වෙමින් පවතියි.

දරුවන් අතර අවශ්‍ය පරතරය තබා ගැනීම හා අනවශ්‍ය ගැබ් ගැනීම පාලනය කර වඩාත් යහපත් පවුල් ජීවිතයක්‌ සඳහා මවගේ ගර්භාෂය තුළ දරු ප්‍රසූතියෙන් පැය 48 ක්‌ ඇතුළත ලූපයක්‌ තැන්පත් කිරීම මේ යටතේ සිදු කරනු ලබයි.

ලූපයක්‌ මවගේ දරු ප්‍රසූතිය සිදුවූ වහාම හෝ සිසේරියන් සැත්කමකදී හෝ ඉතා පහසුවෙන්, වේදනාවකින් තොරව වඩාත් ආරක්‌ෂිතව තැන්පත් කිරීම නිසා මෙය පසු ප්‍රසව ලූපය නමින් හඳුන්වනු ලබයි. මෙම සේවාව දරු ප්‍රසුතියෙන් පසු රෝහලේදීම පැළඳ විය හැකි නිසා මවට සති හයක්‌ යනතුරු බලා හිදීමට අවශ්‍ය නොවේ. දරුවාට අඛණ්‌ඩව මවු කිරි දීමට හැකිවීම අතුරු ආබාධ අවමවීම, ආසාදන අවමවීම, දරුවකු යළි අවශ්‍යවූ විට එය ගලවා ඉවත් කිරීමෙන් දරු පිළිසිඳ ගැනීමක්‌ කරගත හැකිවීම ආදිය මෙහි ඇති වාසි අතරවේ. 

තත්ත්වය එසේ වුවත් දඹුල්ල මූලික රෝහලේ ප්‍රසව හා නාරිවේද අංශයේ දරු ප්‍රසුතිය සඳහා ඇතුළත් වූ මවුවරුනට මුහුණදීමට සිදුව ඇත්තේ ඊට හාත්පසින්ම වෙනස්‌වූ වටපිටාවක්‌ බව පැවසීම අතිශයෝක්‌තියක්‌ නොවන්නේ එම මවුවරුන් හා පියවරුන් තමන් මුහුණදුන් කටුක අත්දැකීම රෝහල් බලධාරීන්ට පැමිණිලි කිරීමට පෙළඹීමත් සමඟය.

මවකගේ දරු උපතක්‌ පිළිසිඳ ගත් දිනයේ සිට මවත් පියාත් මෙන්ම ඔවුන්ගේ පවුල්වල උදවිය මහත් බලාපොරොත්තු දල්වා ගෙන සිටින්නේ තම කිරි කැටියා මෙලොව දකින තුරුය, ඔවුන් ඒ වෙනුවෙන් වෛද්‍ය සායනයන්ටද. විශේෂඥ වෛද්‍යවරුන්ගේ අධික්‌ෂණයට ද වරින්වර මුහුණ දෙති. ඇතැමුන් තව තවත් භාරහාර වෙති. ඒ සියලු අපේක්‌ෂා දල්වා ගෙන ඈත අතීතයේ මෙන් නොව සෑම මවක්‌ම පහසුකම් ඇති ප්‍රධාන රජයේ රෝහලකට යන්නේ මවටත් දරුවාටත් අතුරු අන්තරාවක්‌ නොවී යහපත් දරු ප්‍රසුතියකටය. එහෙත් ඇතැම් රෝහල්වල මවුවරුන්ට මුහුණ දීමට සිදුවන්නේ යහපත් නොවන බවටවූ උදාහරණ ඕනතරම්ය. ඒ සියලු දේ විඳදරා ගෙන දරු ප්‍රසූතියෙන් පසු ඉක්‌මනින් රෝහලෙන් බැහැරව යැම සෑම මවකගේම අපේක්‌ෂාව බව අමුතුවෙන් කිව යුතු නොවේ.

රෝගියාගේ කැමැත්තෙන් තොරව ලේ බිඳක්‌ හෝ ලබාගැනීම සුදුසු නොවන බව අමුතුවෙන් කිව යුතු නොවේ. එහෙත් දඹුල්ල රෝහලේ මව්වරුන්ට කැමැත්ත ලබාගැනීම කෙසේ වෙතත් එය බලහත්කාරයෙන් කර ගන්නා ලෙස බලපෑම් කිරීම සුළු පටු කරුණක්‌ නොවේ. සෞඛ්‍ය අමාත්‍යංශය මගින් ලබා දී ඇති උපදෙස්‌ පසෙකලා තම අභිමතය පරිදි මව්වරුන්ට බලපෑම් කර ඇති බවට එල්ලවෙන චෝදනා අතිශයින්ම බරපතළය. 

මේ වනවිට දඹුල්ල මුලික රෝහලේ අදාළ එම වැඩසටහන තාවකාලිකව අත්හිටුවීමට සෞඛ්‍ය සේවා අධ්‍යක්‌ෂ ජනරාල් වෛද්‍ය ජයසුන්දර බණ්‌ඩාර මහතාගේ උපදෙස්‌ මත රෝහලේ වෛද්‍ය අධිකාරි චාල්ස්‌ නුගවෙල මහතා විසින් පියවර ගෙන ඇත. කෙසේ වෙතත් පවුල් සැලසුම් ක්‍රම අවශ්‍ය වන්නාවූ මවුවරුන්ට ඔවුන්ගේ කැමැත්ත ලිතව ලබාගෙන එය වෛද්‍ය අධිකාරිවරයාගේ අනුමැතිය ලද පසු පමණක්‌ සිදු කරන ලෙස අභ්‍යන්තර චක්‍රලේඛයක්‌ මගින් අදාළ අංශ වෙත උපදෙස්‌ දුන් බව වෛද්‍ය අධිකාරිවරයා පැවසිය.

මධ්‍යම පළාත් සෞඛ්‍ය අමාත්‍යංශය මගින්ද මේ වනවිට මේ සම්බන්ධයෙන් පුළුල් විමර්ශනයක්‌ ආරම්භ කර ඇත. ඉකුත් 07 දා පැවති මධ්‍යම පළාත් සභා සැසිවාරයේද මෙම ගැටලුව පිළිබඳව මන්ත්‍රීවරු විවිධ අදහස්‌ පළවූ අතර මධ්‍යම පළාත් සෞඛ්‍ය අමාත්‍යවරයා සඳහන් කළේ රාජ්‍ය නොවන සංවිධානයක වුවමනාවන් අනුව අදාළ වෛද්‍යවරිය කටයුතු කර ඇත්ද යන්න සොයා බැලිය යුතු බවය.

සරත් එරමිණිගම්මන
http://www.divaina.com/2017/03/12/feature48.html

සහල්, ධාන්‍යවල ගුල්ලන් මැරීමට මිනිස්‌ සිරුරට අහිතකර මාරාන්තික රසායනිකයක්‌

හැත්තෑව දශකයට පෙර මෙරට ජීවත් වූ නම ගිය චණ්‌ඩින්ගෙන් වුණත් ගත යුත්තක්‌ තිබිණ. සරදියෙල් ටයිප් එකේ පොඩි විඡේලා, මරදන්කඩවල යකඩයා ලා සමාජය තුළ එක්‌තරා විදියක ලෙජන්ඩ් ද (පුරාවෘතයන්) විය. අප කුඩා කල පොළොන්නරුවේ පොඩි විඡේ සිංදුව අහනකොට පොඩි ත්‍රිල් එකක්‌ ඇඟට දැනුණේ ය. එහෙත් හැත්තෑව දශකයෙන් පසු එළැඹි යුගයේ බිහිවුණු පාතාලයේ ලුම්පන් අපතයන් ගේ චරිතාපදානවල ගත යුත්තක්‌ ඇත්තේම නැත. ආයුධ පෙන්වන්න ගියාම උන් බල්ලන් බළලුන් වගේ මරා දැමුණු පසු සමාජයට පොඩි ත්‍රිල් එකක්‌ දැනුනේ ය. (වැඩේ අවනිතික වුවත්) හැත්තෑව දශකයට පෙර අපේ සමාජයේ හිටියේ ගම්මිරිස්‌ වලට පැපොල් ඇට කලවම් කරපු, මීකිරි වලට එළකිරි කලවම් කරපු, එළකිරි වලට වතුර කලවම් කරපු, කරවල, සීනි වල බර වැඩි කරන්න වතුර ඉහපු, ගුල්ලො ගහපු මුං ඇට ටික අවුවෙ තියලා ගුල්ලන් ඉවත් කොට පෙති කර පෙති මුං ඇට විකුණපු ජාතියේ මුදලාලිලා ය. මේ වැඩ මගෝඩි වැඩ වුණාට මේ ජාතියේ මුදලාලිගේ ජිවිත වල වුව ගත යුත්තක්‌ තිබිණ. ඔවුන්ට හිතක්‌ පපුවක්‌ තිබිණ. ඔවුන් අසල්වාසීන්ගේ ලෙඩට දුකට පිහිට විය. ඔවුන් හොඳ ආදර්ශවත් දරුවන් හැදීය. ඒ ඔක්‌කෝටම වැඩියෙන් ඔවුන් කළ මගෝඩි වැඩ නිසා පාරිභෝගිකයන්ගේ ජීවිත වලට තර්ජනයක්‌ ඇති වූයේ නැත. එහෙත් හැත්තෑව දශකයෙන් පසු එළැඹි වර්තමාන ලාංකීය වෙළෙඳපොළ ඊට පෙර පැවති වෙළෙඳපොළට වඩා ඉඳුරාම වෙනස්‌ එකකි. වර්තමාන ඇතැම් වෙළෙඳුන් සිදු කරන කූට අපරාධ සෘජුවම මනුෂ්‍යයන්ගේ ජීවත් වීමේ අයිතිය සමඟ සම්බන්ධ වී පවතී. විශේෂයෙන්ම මිනිසුන් කන බොන දේවල්, ඇඟේ ඉහේ ගාන දේවල් වලට දැන දැනම වස විස ප්‍රහාර එල්ල කරන මේ ගරිල්ලා මාකට්‌ එකේ බිහිසුණු ස්‌වරූපය පිළිබඳ එළැඹෙන්නට පිළිවන් අවදානම පිළිබඳ සවිඤ්ඤානිකභාවයකින් යුතුවම අප දිගින් දිගටම හෙළිදරවු කර සිටිමු. 


අප එකල අනුභව කළ තිරිඟු පිටි වල, හාල් වල, මුං ඇට වල සාමාන්‍යයෙන් ගුල්ලන් (සජීවී) සිටියේ ය. පණු කැදලි තිබිණ. එහෙත් අද වෙළෙඳපොළේ එවැනි බාල සවුත්තු ආහාර දකින්නට නැති තරම් ය. විශේෂයෙන් ආනයනික ආහාර ජීවානුහරණය කිරීම සඳහා දියුණු තාක්‌ෂණික සහ රසායනික ක්‍රම විධි අනුගමනය කිරීමට හැකි වීම ආහාර සුරක්‌ෂිතතාව විෂයෙහිලා රටක්‌ ලෙස අප ලැබූ ජයග්‍රහණයක්‌ ය. සජීවී කෘමීන්ගෙන් ආහාරවලට සිදු වන හානිය වළක්‌වා ගැනීම සඳහා ආහාර තොග පිටින් ගබඩා කර තැබෙන කන්ටේනර් සහ ගබඩාවල සනීපාරක්‌ෂාව, ඒවායේ සිටින කෘමීන්, කෘමි බිත්තර, පිලා අවස්‌ථා, කෘන්තකයින් විනාශ කිරීම සඳහා අනුගමනය කළ රසායනික ක්‍රමයක්‌ වන්නේ එම ආහාර ගබඩා දූමායනය කිරීමයි. මෙකී දූමායන කටයුත්ත සඳහා භාවිත කරනුයේ උග්‍ර විසැති හලා හළ වස වර්ගයන් ය. (නිසි ක්‍රමවේදයට අනුව දූමායනය කළ පසු ආහාරවල සෞඛ්‍යයට අහිතකරභාවයක්‌ ඇති වන්නේ නැත.)

මේ සඳහා භාවිත කරන එක්‌ රසායනික ද්‍රව්‍යයක්‌ වන ඇලුමිනියම් පොස්‌පයිඩ් (Aluminium phosphide) වනාහි ඉතාමත් භයානක විෂ වර්ගයක්‌ වන අතර මේවා පෙති හෝ කුඩු වශයෙන් නිෂ්පාදනය කෙරේ. ඇලුමිනියම් පොස්‌පයිඩ් වලට ජල වාෂ්ප හෝ හයිෙඩ්‍රාක්‌ලෝරික්‌ අම්ලය මිශ්‍ර වීමෙන් පොස්‌පීන් වායුව ජනනය වෙයි. පෝස්‌පීන් වායුව අංශු මාත්‍රයක්‌ ආඝ්‍රාණය කිරීමෙන් හෝ ඇලුමිනියම් පොස්‌පයිඩ් සුළු මාත්‍රාවක්‌ ආමාශගත වීමෙන් මිනිසෙකු තත්පර කිහිපයක දී මරණයට පත් වේ. මේ සඳහා කිසිදු ප්‍රති ඖෂධයක්‌ ද නොමැත. මෙය භයානක සමූල ඝාතන රසායනික අවියක්‌ ලෙස යුද්ධ කටයුතු සඳහා භාවිත කර ඇත. එකල වරායේ නැව්වල ගබඩා දූමායනය කිරීම සඳහා භාවිත කළ මෙම දූමායන රසායනික ද්‍රව්‍යයන් භාවිතය සහ නියාමනය මුළුමනින්ම වරාය සෞඛ්‍ය අංශය මගින් සිදු කෙරී ඇත. මේ සඳහා භාවිත කරන ඇලුමිනියම් පොස්‌පයිඩ් වැනි රසායනික ද්‍රව්‍යයන් මෙරටට ආනයනය සහ භාවිත කිරීම පළිබෝධනාශක පනතින් දැඩි සේ පාලනයට යටත් කර ඇති අතර, ඒවා රතු ලේබල් දරන පළිබෝධනාශක ඝනයට වැටේ. කෙසේ වෙතත් මෙම රසායනික ද්‍රව්‍ය මේ වන විට ආනයනය කිරීම සහ භාවිත කිරීමට පුද්ගලික අංශයේ ආයතන කිහිපයකට ලයිසන් ලබා දී ඇති බව දැනගන්නට ඇති අතර මේවා සම්බන්ධ කටයුතු පළිබෝධනාශක රෙජිස්‌ට්‍රාර්වරයාගේ සෘජු අණසකට සහ අධීක්‌ෂණයට යටත් විය යුතු බව ද පැවසේ. 

ඇලුමිනියම් පොස්‌පයිඩ් භාවිත කළ යුතු නිසි ක්‍රමවේදය 

මෙම රසායනික ද්‍රව්‍යයන් ආහාර ගබඩා සහ ගුදම් සඳහා යෙදීමේදී අනුගමනය කළ යුතු දැඩි කොන්දේසි සහ ක්‍රියාමාර්ග රාශියක්‌ ඇත. ඇලුමිනියම් පොස්‌පයිඩ් භාවිත කරන්නට අවසර දී ඇත්තේ පෙර කී, ඒ සඳහා බලපත්‍රයක්‌ ලබා ඇති ආයතනවලට පමණක්‌ වන අතර, එම ආයතන තුළ ඒ සඳහා විශේෂ පුහුණුවක්‌ ලත් තාක්‌ෂණික නිලධාරීන් සිටිය යුතුය. මෙම තාක්‌ෂණික නිලධාරියා ඇලුමිනියම් පොස්‌පයිඩ් වලින් යම් ආහාර ගබඩාවක්‌ දූමායනය කිරීමට ප්‍රථමව ඔක්‌සිජන් ටැංකියක්‌ සහිත වායු රෝධක ආරක්‌ෂිත විශේෂ ඇඳුමක්‌ ඇඳගත යුතු වන අතර, ඇලුමිනියම් පොස්‌පයිඩ් පෙති භාජනයකට දමා වායු රෝධක (ආහාර ගබඩා වායු රෝධනය කිරීම සඳහා ඒ සඳහා සකස්‌ කළ විශේෂ වායු රෝධක ආවරණ අදාළ සමාගම් විසින් සැපයීය යුතුය.) ගබඩාව තුළ පසෙකින් තැබිය යුතුය. මෙහිදී නිකුත් වන පොස්‌පීන් වායුව මගින් දූමායනය සිදු වී ගබඩාව තුළ සිටින කෘමීන් සහ කෘන්තකයින් මෙන්ම ආහාර තුළ සිටින කෘමි බිත්තර යනාදිය විනාශ විම සිදු වෙයි. එසේ තැබීමෙන් පසු අදාළ ගබඩාව දින තුනක කාලයක්‌ සම්පූර්ණයෙන් වසා දමා විවෘත කිරීම සම්පූර්ණයෙන් තහනම් බවට දැන්වීම් ප්‍රදර්ශනය කළ යුතුව ඇත. එසේ කිරීමෙන් පසු පෙර කී ආරක්‌ෂිත ඇඳුම් ඇඳ ගත් තාක්‌ෂණික නිලධාරියා විසින් අදාළ ගබඩාව විවෘත කර, තව එක්‌ දිනක්‌ යන තුරු හොදින් වාතනය වීමට සැලැස්‌විය යුතුය. එහිදී පෙර කී රසායනික ද්‍රව්‍ය අඩංගු භාජනය තුළ ඉතිරිව පවතින ශේෂ කුඩු ආරක්‌ෂිතව වළ දැමීම ද අදාළ තාක්‌ෂණික නිලධාරියා විසින්ම කළ යුතුව ඇත. කෙසේ වෙතත් ආහාර මතට ඇලුමිනියම් පොස්‌පයිඩ් යෙදීම සපුරා තහනම් වන අතර, රෝග වැළැක්‌වීමේ සහ රෝග ස්‌පර්ශකයින් වෙන් කර තැබීමේ ආඥා පනතේ විධි විධාන පරිදි ජලය අඩංගු ආහාර ද්‍රව්‍ය දූමායනය කිරීම ද තහනම් වෙයි. 

බ්ලැක්‌ මාකට්‌ එකේ අවභාවිත කෙරෙන තහනම් විෂ රසායනික ද්‍රව්‍ය

දූමායනය කිරීමේ නිසි ක්‍රමවේදය එසේ වුවද සපුරා තහනම් කළ ග්ලයිපොසේට්‌, කුරේටර් ආදී කෘමිනාශක බ්ලැක්‌ මාකට්‌ එකේ සුලභව භාවිත වන්නාක්‌ සේම, මේ වන විට ඇලුමිනිම් පොස්‌පයිඩ් නැමති හලාහළ වස ද්‍රව්‍යයද නිසි පාලනයකින් තොරව ආහාර තොග ගබඩාකරුවන් අතර බරපතල ලෙස අවභාවිත කෙරෙන බව දැනගන්නට ඇත. මේ සඳහා පළමු සාක්‌ෂිය හමු වන්නේ කුරුණෑගල ප්‍රදේශයෙනි. ඉබ්බාගමුව මහජන සෞඛ්‍ය පරීක්‌ෂකවරයා වන එච්. ආර්. එස්‌. එස්‌. බණ්‌ඩාර හේරත් මහතාට ලැබුණු ඔත්තුවකට අනුව ක්‍රියාත්මක වූ මහජන සෞඛ්‍ය පරීක්‌ෂක වරු විසින් සිදු කරනු ලබූ වැටලීමකට අනුව ඇලුමිනියම් පොස්‌පයිඩ් නමැති උග්‍ර විෂ රසායනිකය ඒ සඳහා බලපත්‍ර ලැබූ ආයතනයක පුහුණුව ලැබූ නිලධාරියෙකු විසින් සිදු කරනු වෙනුවට ආහාර තොග වෙළෙන්දා ගේ වෙළෙඳසැලේ සේවය කරනු ලබන කම්කරුවෙකු ලවා කෙළින්ම ආහාර මතට කුඹුරට යූරියා ඉසින්නාක්‌ සේ ඉසිනු ලබන බව හෙළි වී ඇත. කෙසේ වෙතත් අදාළ ආහාර ගබඩාව මුද්‍රා තබා රස පරීක්‌ෂකවරයා වෙත යවනු ලැබූ ආහාර සාම්පලවල ඇලුමිනියම් පොස්‌පයිඩ් අඩංගු වන බවට හෙළි වීම නිසා ආහාර ටොන් ගණනාවක්‌ අධිකරණ නියෝග මත විනාශ කර ඇත.

දෙවැනි සිදු වීම වාර්තා වන්නේ කලුතර ප්‍රදේශයෙනි. ගැබිනි මවුවරුන්ට බෙදා දීමට සූදානම් කර තිබූ ආහාර තොගයකට යම් විෂ රසායනිකයක්‌ යොදනු ලබන බවට ගර්භණී මවකගෙන් ලද ඔත්තුවකට අනුව ක්‍රියාත්මක වූ කලුතර නගර සභාවේ මහජන සෞඛ්‍ය පරීක්‌ෂකවරු කණ්‌ඩායමක්‌ සිදු කළ වැටලීමක දී අනාවරණය වී ඇත්තේ පණුවො කාපු කරවල සහ හාල් මැස්‌සන් ඇතුළු ආහාර තොගයකට ඇලුමිනියම් පොස්‌පයිඩ් භාවිත කර ඇති බව ය. මෙහිදී යම් ප්‍රමාණයකට නිසි ක්‍රමවේදය අනුගමනය කර ඇතත් ගැටලුව වන්නේ මනුෂ්‍ය පරිභෝජනයට නුසුදුසු පණුවන් සහ කෘමීන් හානි කළ ආහාර මෙසේ විෂ රසායනික ද්‍රව්‍ය භාවිත කර නැවත සකස්‌ කර හොඳ ආහාර ලෙස වෙස්‌ ගන්වා වෙළෙඳපොළට නැවත එවීමේ කූට වෑයම මෙමගින් හෙළි වීම ය. 

පෙර කී බලපත්‍රලාභී ආයතනයක්‌ ලවා නිසි ක්‍රමවේදයට අනුකූලව දූමායන කටයුතු සිදු කර ගැනීම සඳහා විශාල මුදලක්‌ ගෙවිය යුතු වීම නිසාවෙන් නිසි ක්‍රමවේදය අනුගමනය කරන්නට ආහාර තොග වෙළෙඳුන් වැඩි මනාපයක්‌ නොදක්‌වන බැවින් සහ ඇලුමිනියම් පොස්‌පයිඩ් රසායනිකය කළු වෙළෙඳපොළ තුළ රිසි සේ මිල දී ගන්නට තිබෙන බැවින් මෙසේ මෙම රසායනිකය දරුණු ලෙස අවභාවිතයකට ලක්‌ වෙමින් තිබෙන බවත් ශ්‍රී ලංකා මහජන සෞඛ්‍ය පරීක්‌ෂක සංගමයේ සභාපති උපුල් රෝහණ මහතා අවධාරණය කර සිටී. මෙම තත්ත්වය දරුණු ඵල විපාක වලට හේතු විය හැකි බැවින් මෙකී අවභාවිත කටයුත්ත පාලනය සහ නියාමනය කිරීමට අවැසි නිසි ක්‍රියාමාර්ග බලධාරීන් විසින් නොපමාව ගත යුතුව ඇති බව ද ඒ මහතා වැඩිදුරටත් අවධාරණය කර සිටින අතර, මෙවැනි විෂ රසායනික ද්‍රව්‍යයන් භාවිත කර ඇතැයි සැක කෙරෙන ආහාර තොග ගබඩා පරීක්‌ෂා කිරීමේ දී විෂ වායුවලට නිරාවරණය වන්නට නිලධාරීන්ට සිදු විය හැකි බැවින් ආවාට ගියාට එවැනි කටයුතුවල නිරත නොවන ලෙස ද උපුල් රෝහණ මහතා මහජන සෞඛ්‍ය පරීක්‌ෂකවරුන්ගෙන් ඉල්ලා සිටී.

මෙවැනි විෂ රසායනික ද්‍රව්‍ය අඩංගු යෑයි සැක කෙරෙන ආහාර තොග අත්අඩංගුවට ගත් පසු ඒවා නිදහස්‌ කරන ලෙස ඇතැම් බලධාරීන්ගෙන් සහ දේශපාලනඥයන්ගෙන් කෙරෙන ඉල්ලීම් සහ බලපෑම් වල නිමක්‌ නොමැති බවත්, මෙවැනි කටයුතුවල නිරත වන නිලධාරීන් කිසිදු ඇගයීමකට හෝ දිරි ගැන්වීමකට ලක්‌ නොවන බවත් මෙම නිලධාරීන් හොඳින්ම දනී. මෙවැනි කටයුතුවල නිරත වීම නිසාවෙන් එළැඹිය හැකි විපාක පිළිබඳවද දැන දැනම තම ආදරණීය මනුෂ්‍ය වර්ගයා උදෙසා කැප කිරීම් කරන උතුම් මිනිසුන් එකෙකු දෙදෙනෙකු නිසාවෙන් මෙවැනි වංචනික සහ පාතාලේ වැඩ කිඩ හෙළි වීම රටේ භාග්‍යයක්‌ බවද අපි මෙහිලා ලියා තබමු. 

මම දිනක්‌ හාලිඇල සතිපොළේ පළතුරු වෙළෙන්දෙකුගෙන් අන්නාසි මිල දී ගනිමින් සිටියෙමි. එම ස්‌ථානයට පැමිණි වෙනත් පාරිභෝගිකයෙකු මේ අන්නාසි අමුයි නේ, මේවා ඉදවාගෙන එන්න තිබුණා නේ යෑයි පැවසීය. මිනිස්‌සු කන දේවල්නේ මහත්තයෝ බෙහෙත් ගහලා ඉදවන එක හරි නෑනේ. වෙළෙන්දා පැවසීය. ඇයි අපේ අමාත්‍යංශයෙන් පලතුරු වලට බෙහෙත් ගහල ඉදවන එක නිර්දේශ කරල නේ තියෙන්නේ. ඒකේ හානියක්‌ නෑනේ. කෘෂිකර්ම අමාත්‍යංශයෙ නිලධාරියෙකු යෑයි සිතිය හැකි පෙර කී පාරිභෝගිකයා වෙළෙන්දාට උපදෙස්‌ ලබා දෙන ලදී. පලතුරු කෘත්‍රිමව ඉදවීම ආරම්භ කෙරුණු මුල්ම කාලයේ මෙම අත්දැකීමට මුහුණ දෙන්නට මට සිදු විය. එකල පලතුරු කෘත්‍රිමව ඉදවීම සහ ඒ සඳහා භාවිත කරන රසායනික ද්‍රව්‍යයවල පැටිකිරිය පිළිබඳව මා ඒ හැටි දැන සිටියේ ද නැත. එහෙත් මේ වන විට වෙළෙඳපොළේ ස්‌වාභාවිකව ඉදවූ පලතුරු සොයා ගැනීම කළු නික සොයනවා වැනි තත්ත්වයකට පත්ව ඇත. අද වන විටත් කෘත්‍රිමව පලතුරු ඉදවීම නියාමනය කරන්නට නීතියේ ප්‍රතිපාදන නොමැත. නියපොත්තෙන් කපන්න තිබෙන දේවල් නිසි කලට කපා නොදැම්මොත් චේන් ෂෝ එකකින්වත් කපා දමන්නට නොහැකි බවට මේ එක්‌ උදාහරණයක්‌ පමණි.

ඒ කාලේ පොඩි විඡේලා, මරු සිරාලා පිටුපස දේශපාලකයින් හෝ නිලධාරීන් සිටියේ නැත. රටේ ඇත්තන්ගේ කරුමෙට වර්තමාන පාතාලය මෙන්ම පෙර කී ගරිල්ලා මාකට්‌ එකට පිටුපසින් ද රඟන ඇතැම් අමන දේශපාලනඳයන් සහ නිලධාරීන් සිටී.

ගැමුණු සාලිය පෙරේරා - ශ්‍රී ලංකා මහජන සෞඛ්‍ය පරීක්‌ෂකවරුන්ගේ සංගමයේ බදුලු දිස්‌ත්‍රික්‌ ශාඛාවේ මාධ්‍ය ප්‍රකාශක
http://www.divaina.com/2017/03/12/feature20.html

Sunday, February 26, 2017

විඤ්ඤාණයේ අනාගතයට සංස්‌කාර අස්‌වද්දාගන්නා රඟ දකින්න! - මහරහතුන් වැඩි මග ඔස්‌සේ...

පිංවත් ඔබේ කයේ ක්‍රියාකාරිත්වය උදෙසා උපකාරක ධර්මයන් සකස්‌ කරදෙන කාය සංස්‌කාර, ඒ කියන්නේ ආශ්වාස ප්‍රශ්වාසය, රුධිරගමනය, ආහාර ජීර්ණය, ශරීර අපද්‍රව්‍ය බැහැර කිරීම මේ සෑම ක්‍රියාවක්‌ම ධර්මතාවක්‌. නමුත් ඒ ධර්මතාව අනිත්‍ය නිරතුරුවම වෙනස්‌වන ස්‌වභාවයෙන් යුක්‌තයි. මවකට දරු ප්‍රසූතියෙන් අනතුරුව මවුකිරි එරීම ධර්මතාවයක්‌.

පිංවත් ඔබ වර්තමානයේ සිටම 'මහ රහතුන් වැඩි මඟ ඔස්‌සේ' කියලා මතකයට එනකොටම, 'සංස්‌කාරයෝ අනිත්‍යයි ' කියලා දකිමින් පුහුණු වෙන්න. ඔබට මේ සටහන් තබන භික්‍ෂුව සිහිපත් වුණොත්, ඒ මොහොතේම, භික්‍ෂුවගේ රූපය මළ කඳක්‌ කොට දකින්න. ඒ මළකඳ මහපොළොවට පස්‌වෙනවා නුවණින් දකින්න. ඔබ දෙපා තබාගෙන සිටින මහ පොළොවේ පස, නුවණින් දකිමින් සියලු සංස්‌කාරයෝ අනිත්‍යයි... අනිත්‍යයි.. වශයෙන් නුවණින් මෙනෙහි කරන්න. අතීතයේ වැඩසිටි රහතන් වහන්සේලා, රහත් උත්තමාවියන් වහන්සේලා ලක්‍ෂ ගණනකගේ දේහයන් අනිත්‍යභාවයට පත්වී සකස්‌ වුණ පස නැමැති සතර මහා ධාතුව මතයි පිංවත් ඔබ මේ මොහොතේ දෙපා තබාගෙන සිටින්නේ. නික්‌ලේශී උතුමන්ගේ අතීත තෘෂ්aණාවෙන් හැදුන සතර මහා ධාතුව නමැති රූපය, සතරමහා ධාතුවටම එකතුකොට දීලා උන්වහන්සේලා නිවී යන්නේ, සංස්‌කාරයන්ගේ නිරෝධය නිසාමයි. රහතන් වහන්සේලා සර්පයෙක්‌ හැව අරින්නා සේ රූපය කෙරෙහි තෘෂ්ණාව අතහැර, රූපය සතරමහා ධාතුවටම මුසුකොට නිවී යද්දී අපි තවමත් රූපය මගේ කොටගෙන සංස්‌කාරයන් රැස්‌කොට ගන්නවා. පොහොසත් පිංවතාත් සංස්‌කාර රැස්‌කරනවා. දුප්පත් පිංවතාත් සංස්‌කාර රැස්‌කරනවා. හඬන පිංවතාත් සංස්‌කාර රැස්‌කරනවා. සිනහවෙන පිංවතාත්a සංස්‌කාර රැස්‌කරනවා. සිල්වත් පිංවතාත්, දුසිල්වත් පිංවතාත් සංස්‌කාර රැස්‌කරනවා. ලෝකය තේරුම්ගන්න බැරි අවුලක්‌ය කියලා බුදුරජාණන්වහන්සේ දේශනා කරන්නේ ඉහත අවුල නිසාමයි. මේ සෑම අවුලක්‌ම තම අවබෝධඥානයෙන්, 'සියලු සංස්‌කාරයෝ අනිත්‍යයි' කියන එකම අර්ථයට අරගෙන පංචඋපාදානස්‌කන්ධය නිශේධකොට දමන්නේ 'රහතන් වහන්සේ' කියන අර්ථයයි.

සංස්‌කාරයන් ගැන මේ සටහන ලියන වෙලාවේ සංස්‌කාරයන්ගේ වියරු, කටුක යථා ස්‌වභාවය ලෝකයට තම උතුම් සම්මා සම්බුද්ධ ඥානයෙන් අවබෝධකොට දේශනාකොට වදාළ ලොව්තුරා බුදුරජාණන්වහන්සේගේ සම්බුදු අසිරියෙන් බබළන රූපකාය භික්‍ෂුවට මැවිලා පෙනෙනවා. බුදුරජාණන්වහන්සේ, පටිච්චසමුප්පන්නව පිරිනිවීගොස්‌, දැනට වසර දෙදහස්‌ හයසියයක්‌ ගතවී තිබුණත්, මෙය සටහන් තබන භික්‍ෂුව තවමත් බුදුරජාණන්වහන්සේගේ සිවුරුකොණ අල්ලාගෙන බුදුරජාණන්වහන්සේ පසුපසින් වඩින භික්‍ෂුවක්‌මයි. බුදුරජාණන්වහන්සේ ඈත්වුණේ නැහැ. ඈත්වෙලා නැහැ. බුදුරජාණන්වහන්සේගේ සිවුරුකොණ අල්ලාගෙන පසුපසින් වඩිනකොට දැනෙන සම්බුදු සිසිලස භික්‍ෂුවට තවමත් හැඟෙනවා. බුදුරජාණන්වහන්සේගේ ගුණයන්, ඥානයන්, මහා කරුණා ගුණයන් භික්‍ෂුවට තවමත් දැනෙනවා, පෙනෙනවා. අපි ධර්ම විනයෙන් ඈත්වෙන්න, ඈත්වෙන්න බුදුරජාණන්වහන්සේ අපෙන් ඈතට යනවා. ධර්ම විනයෙන් ඈත්වූ භික්‍ෂුවකට බුදුරජාණන්වහන්සේ පිරිනිවීගොස්‌ අවුරුදු දෙදහස්‌ පන්සියයක්‌ම වෙනවා. ධර්මවිනය තුළ අවංකවම ජීවත්වන භික්‍ෂුවට බුදුරජාණන්වහන්සේගේ උපත, බුද්ධත්වය, පිරිනිවීම කියන තෙමඟුල සමරන්න අවශ්‍ය නැහැ. මොකද උන්වහන්සේ තවමත් බුදුරජාණන්වහන්සේගේ සිවුරුකොණ අල්ලාගෙන බුදුරජාණන්වහන්සේගේ පසුපසින් වඩින බුද්ධ ශ්‍රාවකයෙක්‌මයි. නමුත් මේ සෑම සංස්‌කාරයක්‌ම මොහොතින් මොහොත අනිත්‍යභාවයට පත්වෙනවා.

පංචඋපාදනස්‌කන්ධ ධර්මයේදී බුදුරජාණන්වහන්සේ දේශනා කරනවා සංස්‌කාර තුළත් විඥානය බැසගෙන තිබෙනවාය කියලා. දුප්පත් පිංවතෙක්‌ සිටිනවා, ඔහුට තිබෙන එකම දේපළ තමයි පොල් අතු සෙවිල්ලු කුඩා පැල්පත. සඳ තිබෙන රාත්‍රියක පොල්අතු අතරින් සඳඑළිය පෙනෙනවා. ඒ තරමටම දිරාගිය පැල්පතක්‌. නමුත් මේ දිරාගිය පැල්පත, මේ දුප්පත් පිංවතා, රාජ මන්දිරයක්‌ වගේ තෘෂ්ණාවෙන් මගේ කොටගෙනයි ජීවත්වෙන්නේ. අතීත අකුසල් සංස්‌කාර හේතුවෙන් ලැබුණු දුගී පැල්පත කියන අල්ලාගැනීම තුළ විඤ්ඤාණය බැසගෙන තිබෙනවා.

තවත් පිංවත් මහත්මයෙක්‌ සිටිනවා, ඔහු මහා ධනවතෙක්‌. ඔහුට සුඛෝපභෝගී මහා මන්දිරයක්‌ තිබෙනවා. ඔහු තමන්ට, පෙර කුසල් සංස්‌කාර නිසාම ලැබුණු මහා මන්දිරයේ තෘෂ්aණාවෙන් මගේ කොටගෙන ජීවත්වෙන්නේ. අතීත කුසල් සංස්‌කාර හේතුවෙන් ලැබුණ මහා මන්දිරය කියන අල්ලාගැනීම තුළ විඤ්ඤාණය බැසගෙන තිබෙනවා. සංස්‌කාර ධර්මයන් තුළ, විඤ්ඤාණය නමැති මැජික්‌කරුවා බැසගෙන සිටින නිසාම සත්ත්වයා සංස්‌කාර හේතුවෙන් සකස්‌වෙන වියරු කටුක යථා ස්‌වභාවය මතුකොට ගන්නේ නැහැ. සංස්‌කාර වෙනස්‌වෙනවාය කියන දැක්‌ම මතුකොටගන්නේ නැහැ. මොකද අතීත සංස්‌කාර හේතුවෙන් සකස්‌වන විඤ්ඤාණය වර්තමාන සංස්‌කාරයන් තුළ බැසගෙන විඤ්ඤාණයේම පැවැත්මට අදාළ සංස්‌කාරයන් නැවත නැවත පෝෂණය කොටගන්නවා. පටිච්ඡ සමුප්පාද ධර්මයේදී සංස්‌කාර හේතුවෙන් විඤ්ඤාණය සකස්‌වුණත්, පංචඋපාදනස්‌කන්ධ ධර්මයේදී සංස්‌කාරයන් තුළ විඤඤාණය බැසගෙන, විඤ්ඤාණයේ අනාගත පැවැත්මට අදාළ සංස්‌කාරයන් නැවත අස්‌වද්දාගන්නවා. විඤ්ඤාණය නමැති මැජික්‌කරුවාගේ සියුම් කපටි ක්‍රියාකාරකම් පිංවතුන්ලා බොහෝම සියුම්ව මතුකොට දක්‌වගන්න දක්‍ෂවෙන්න ඕනේ. 

චිත්තානුපස්‌සනාව - 24
ඉදිරිපත් කිරීම - ඉන්ද්‍රජිත් සුබසිංහ, indrajith.media@gmail.com
http://www.divaina.com/2017/02/26/feature06.html

ඉන්දීය විදේශ ලේකම්ගේ වැදගත් පණිවුඩය!

දෙමළ සන්ධානය සැමවිටම කටයුතු කරන්නේ දිල්ලියේ උපදෙස්‌ අනුව බව රහසක්‌ නොවේ. 2007 පෙර නම් ඔවුන්ට කොටි දේශපාලන අංශ නායක තමිල් සෙල්වම්ගේ දේශනවලටද කන්දෙන්නට සිදුවිය. නමුත් ගුවන් ප්‍රහාරයෙන් කොටි දේශපාලන අංශ නායකයා එලොව ගිය විට කිළිනොච්චි දේශපාලන සාකච්ඡා අවසන් විය. 2009 මැයි මාසයෙන් පසුව කොටි බලපෑමෙන් තොරව ආර්. සම්බන්ධන් මහතා ඇතුළු කණ්‌ඩායමට නව දේශපාලන කටයුතු කිරීමට හැකි වුවද ඉන්දීය බලපෑමෙන් නම් මිදීමට නොහැකි වී ඇත.

ලංකාවට පැමිණෙන සෑම ඉන්දීය දේශපාලකයන් මෙන්ම රාජත්‍රාන්තිකයන්ද දෙමළ සන්ධානය මුණගැසී නොගියේ නම් එය ඉතා කලාතුරකිනි. දිල්ලියේ බ්‍රාහ්මණවංශික විදේශ සේවා නිලධාරීන් කොළඹ ආණ්‌ඩුව පාලනය කිරීම සඳහා යොදා ගන්නා එක්‌ බලවේගයක්‌ වන්නේ දෙමළ ජාතික සන්ධානයය. 80 දශකයේ මුල් භාගයේදී දෙමළ සන්නද්ධ කණ්‌ඩායම්වලට ඉන්දීය අගමැතිනී ඉන්දිරා ගාන්ධිගේ උපදෙස්‌ මත ආයුධ පුහුණුව හා ආධාර ලබා දුන්නද අවසානයේ ඒ බිහිකළ සර්පයාම රජිව් ගාන්ධි බිලිගන්නා තෙක්‌ ඉන්දියාවට ප්‍රඥාව පහ වූයේ නැත. 

2013 උතුර පළාත් සභා මැතිවරණය පැවැත්වීමට යෝජනා කෙරුණු විට මහ ඇමැති අපේක්‍ෂකයා විය යුත්තේ කවුරුද යන්න පිළිබඳව දෙමළ සන්ධානයේ මත ගැටුමක්‌ විය. සමහරු මාවෙයි සේනාධිරාජා යෝජනා කළ අතර තවත් පිරිසක්‌ කොළඹ කේම්බ්‍රිඡ් පෙදෙසේ වෙසෙන හිටපු ශ්‍රෝෂ්ඨාධිකරණ විනිසුරු සී. වී. විග්නේෂ්වරන් යෝජනා කර සිටියහ. නමුත් අවසාන තීරකයා වූයේ කවුද? ඉන්දීය ආණ්‌ඩුවක්‌ එවක ඉන්දීය ජාතික ආරක්‌ෂක උපදේශකගේ ලංකා ගමනින් පසුව දෙමළ සන්ධානය නිවේදනය කර සිටියේ නව මහ ඇමැති අපේක්‌ෂකයා වන්නි විශ්‍රාමලත් ශ්‍රෝෂ්ඨාධිකරණ විනිසුරු විග්නේෂ්වරන් බවයි. පුරා වසර 65 ක්‌ දකුණේ සිංහලයන් සමඟ ගතකළ විග්නේෂ්වරන් උතුරු මහ ඇමැති ධුරයට පත්වීමෙන් පසු උග්‍ර දෙමළ ජාතිවාදියකු විය. ඔහු වර්තමානයේ කටයුතු කරන්නේ දෙමළ සන්ධාන නායක ආර්. සම්බන්ධන් මහතාගේ උපදෙස්‌ පරිදි නොව කොටි හිතවාදී දෙමළ ඩයස්‌ පෝරාවේ උපදෙස්‌ අනුව බව රහසක්‌ නොවේ. විග්නේෂ්වරන්ගේ මෙම ක්‍රියාකලාපය ගැන ඉන්දියාව පසුවන්නේ සතුටින් නම් නොවේ. තමන්ගේ තේරීම පරා වළල්ලක්‌ වී ඇති බව ඉන්දීය විදේශ සේවා නිලධාරීහු අවබෝධ කරගෙන සිටිති.

දින දෙකක සංචාරයක්‌ සඳහා ලංකාවට පැමිණි ඉන්දීය විදේශ ලේකම් එස්‌. එස්‌. ෂන්කර් මහතා මෙරට ජනපති අගමැතිට අමතරව සුපුරුදු පරිදි දෙමළ සන්ධාන මන්ත්‍රී කණ්‌ඩායමද හමුවිය. විපක්‌ෂ නායක ආර්. සම්බන්ධන් ප්‍රධාන මන්ත්‍රී පිරිසක්‌ මේ හමුවට සහභාගිවූ අතර එහිදී ඉන්දීය විදේශ ලේකම්වරයා ඉතා වැදගත් උපදෙසක්‌ ලබාදී තිබිණි. එය කවරක්‌ද? උතුරු නැගෙනහිර ඒකාබද්ධ කිරීමේ ඉල්ලීම අත්හරින ලෙස දෙමළ සන්ධානයට දැනුම් දීමයි.

මෙය ඉතා වැදගත් කරුණකි. 87 දී දෙමළ ඊළාම්වාදීන් සතුටු කිරීමට ඔවුනට වරදානයක්‌ ලෙස උතුරු නැගෙනහිර එක්‌ කිරීමට එවක ඉන්දීය අගමැති රජිව් ගාන්ධි ලංකා ආණ්‌ඩුවට බලකල බව රහසක්‌ නොවේ. මේ සියල්ල සිදුවූයේ 1987 ජුලි 29 වැනිදා අත්සන් කළ ඉන්දු-ලංකා ගිවිසුම නිසාය. එයින් වසර 30 කට පසුව ඉන්දියාවට තමන් කළ ඓතිහාසික වැරැද්ද ගැන වැටහීමක්‌ ලැබී ඇත්ද? 1988 දී උතුරු නැගෙනහිර ඒකාබද්ධ කරන ලද අතර එහි අගනුවර ලෙස ප්‍රකාශයට පත් කරන ලද්දේ ත්‍රිකුණාමලයයි. 2006 දී ශ්‍රෝෂ්ඨාධිකරණය ලබාදුන් තීන්දුවක්‌ මත 2007 ජනවාරි 01 වැනිදා සිට උතුරු නැගෙනහිර පළාත් වෙන් කරන ලදී.

වර්තමාන යථාර්ථය ගැන ඉන්දියාව අවබෝධ කර ගෙන ඇති සෙයකි. නැගෙනහිර පළාතේ මහ ඇමැතිවරයාද මුස්‌ලිම් ජාතිකයෙක්‌ හෙයින් මේ පළාත් දෙක ඒකාබද්ධ කිරීම ප්‍රයෝගික නොවන යථාර්ථයක්‌ බවට පත්වී ඇති බව දිල්ලියට හැඟී ගොස්‌ ඇත මෙම පණිවුඩය දෙමළ සන්ධානයට ලබාදුන්නේ ප්‍රථම වරටය. මෙය කොටි හිතවාදී ඊළාම්වාදීන් බලාපොරොත්තු වූ තත්ත්වයක්‌ නම් නොවේ.

උතුරු පළාත් මහ ඇමැති විග්නේෂ්වරන් ඝාතනයේ මෙන්ම මඩකලපුවේදීත් "දෙමළුනි නැගිටිව්" නොහොත් එළුඟ තමිල් වැඩසටහන් පවත්වමින් ප්‍රකාශ කර සිටියේ කවරක්‌ද? උතුරු නැගෙනහිර ඒකාබද්ධකර ෆෙඩරල් විසඳුමක්‌ තමන්ට අවශ්‍ය බව නොවේද? නමුත් දැන් දෙමළ සන්ධානයේ දිල්ලි න්‍යායාචාර්යවරුන් උතුරු නැගෙනහිර එක්‌ කිරීම සුදුසු නොවන බව ප්‍රකාශ කරති. ඉන්දීය විදේශ ලේකම්වරයා චීනයට යැමට පෙර කොළඹට පැමිණ ලබාදුන් වැදගත්ම පණිවුඩය එයයි.

උතුරු නැගෙනහිර එක්‌ කිරීමට එරෙහිව ඉන්දීය ස්‌ථාවරය ගැන උතුරු මහ ඇමැතිවරයා කවරක්‌ ප්‍රකාශ කරයිද යන්න අපට පැහැදිලි නැත. නමුත් ඉන්දියාව මේ ස්‌ථාවරය ගෙන ඇත්තේ උතුරු මහ ඇමැතිවරයාගේ ජාතිවාදී ව්‍යාපාරයටත් යම් පිළිතුරක්‌ ලබා දීමට විය හැකිය. දෙමළ සන්ධානයේ පාර්ශ්ව දෙකක්‌ බිහිව ඇති බව පැහැදිලි කරුණකි. ඒ සම්බන්ධන් පාර්ශ්වය හා විග්නේෂ්වරන් පාර්ශ්වයයි. ඉන්දීය විදේශ කටයුතු අමාත්‍යාංශය වඩා උනන්දුවන්නේ සම්බන්ධන් විපක්‌ෂ නායකවරයාගේ පාර්ශ්වය පිළිබඳව මිස ඩයස්‌පෝරාව වෙනුවෙන් ඩෙඟා නටන විග්නේෂ්වරන්ලා ගැන නම් නොවේ.

චතුර පමුණුව
http://www.divaina.com/2017/02/26/forign.html

හයේ පංතිය අසමත්ව හෝටල්වල පිඟන් හේදූ පාර්ලිමේන්තු මන්ත්‍රීවරයා


  • ජීවිතය අතහැර දමන අයට ජීවිතය ජයගන්න පාඩමක්‌
  • හිඟුරාන සීනි කම්හලේ කම්කරුවෙකු හැටියටත් වැඩ කරලා
  • මාස තුනක්‌ තනියෙන් පාඩම් කර උසස්‌ පෙළ ඉහළින්ම සමත් වෙලා
  • හයේ පන්තියේ අසමත් ශිෂ්‍යයා දැන් ගෞරව උපාධිධාරියෙක්‌


අද ඉගෙනීමට ඇත්තේ මහා තරගයක්‌. මොන්ටිසෝරියේ සිට පුංචි දරුවන්ගේ ළමා ලෝකය කාබාසිනියා කරමින් ටියුෂන්වලට මව්පියන් තම දරු පැටව් රෑන ඇදන් යන නිසා මේ අහිංසක දරු පැටවුගේ ළමා ලෝකය විනාශ වෙමින් තිබෙනවා. ශිෂ්‍යත්ව විභාගය නිසා අද සිදුවන්නේ දරුවන් බොහෝ දෙනකුගේ මොළ ගෙඩි ටික විනාශ වෙන එක.

ඉස්‌සර කුප්පි ලාම්පුවක්‌ පත්තුකරන්න බැරිකම නිසා සමහරෙක්‌ පාන්දර පොත් පාඩම් කළේ ලාම්පු එළියෙන්. එහෙම දුක්‌ විඳලා අධ්‍යාපනය ලබපු අයත් මේ සමාජයේ සිටිනවා. මේ කතාවත් වෙනස්‌ කතාවක්‌. ටියුෂන් නැතිවම බැහැ කියලා කියන අයට නැවතත් හිතන්න වෙන අවස්‌ථාවක්‌.

පොඩි නෝනා සහ තිස්‌ස දිසානයක යුවළගේ දරු සයදෙනකුගෙන් යුත් කැදැල්ලේ උපන් විමලවීර දිසානායක නම් කොලු පැටියාගේ අනාගතය කුමන ආකාරයෙන් දැයි ඔවුන්ට සිතාගන්නට නොහැකි වුණා. ඒ දිළිඳුකම මේ පවුලේ වටා වෙලී තිබුණු නිසා. පුංචි දිසානායක අකුරු ඉගෙන ගන්නට ගියේ කෑගල්ලේ මාදෙයියාව කණිෂ්ඨ විද්‍යාලයටයි. ළමයි ලස්‌සනට සපත්තු දාලා අලුතෙන් ඇඳුම් ඇඳගෙන එන දිහා මේ පුංචි කොලුපැටියා ආශාවෙන් බලා සිටියා. පරණවෙලා කිහිප තැනක්‌ ඉරිලා ගිය කලිසම් කොටයෙයි කමිස පොඩියෙයි අම්මා ඉදිකට්‌ටෙන් නුලක්‌ ඇදලා දීලා තිබ්බා. සුදු කමිස පොඩිය දුඹරු පාට කහට පැල්ලමෙන් රටා වැටිලා තිබ්බා.

සපත්තු තියා පරණ රබර් සෙරෙප්පු කැබලි දෙකක්‌වත් දාන්න තිබුණේ නැහැ. ගිණියම් අව් රශ්මියට යකඩයක්‌සේ පාර රත්ව තිබුණත් මෙම සියුමැලි කකුල්වලට කුඩා කලසිටම ඒ තද රශ්මිය හොඳට හුරු වුණා. පියාගේ අභාවයත් සමඟ ම මේ පවුලට ජීවත්වීම ඉතා අසීරු කරුණක්‌ වුණා. උදේට කහට කෝප්පයකින් කුස පුරාවාගෙන පාසල් යැම මේ පවුලේ දරුපැටවුන් සාමන්‍ය දෙයක්‌වෙලයි තිබ්බේ. කුස ඇතුලේ පනුවෝ පිනුම් ගහනවා. සමහර වෙලාවට ආප්පයකින් රොටි කැබැල්ලක්‌ කාලා වතුර කෝප්පයකින් කුසපොත්ත පුරවා ගන්නවා. පොත්පත් පවා හරි හමන් විදිහට තිබ්බේ නැහැ.

උදේට සීනි බෝතලේ පතුලේ තිබෙන සීනි ඇට ටික ගන්න පොඩි නංගි හැන්දැත් අරන් ඔට්‌ටු වෙන ආකාරය දිහා දිසානායක මහත් දුකෙන් මෙන් බලා සිටියා. අම්මේ මම ආයෙත් ඉස්‌කෝලේ යන්නේ නැහැ. අනේ එපා පුතේ උඹ ඉස්‌කෝලේ දිගටම පලයන් කියන්ට දිගින් දිගටම සිතුනත් පොඩි නෝනට තම පුතාට එහෙම කියන්න හැකියාවක්‌ තිබුණේ නැහැ. ඒ අගහිඟකම් හතර වටින් වටකොට සිටි නිසා.

අන්තිමට හයේ පන්තියෙන් දිසානායකගේ පාසල් ගමන අවසන් වුණා. මේ පුංචි කොලු පැටියාගේ කකුල් දෙක ගෙවනකම් කුලියක්‌ හොය හොය හැමතැනකම ඇවිද්දා. හරක්‌ට තණකොළ කපලා දුන්නා. තවත් තැනක නිවසක්‌ හදන්න සිමෙන්ති අනලා අත්උදව් දුන්නා. ඒ ගෙය තිබ්බේ කන්දක්‌ උඩට වෙන්න. පුංචි අත් දෙකෙන් බදාම අනලා කන්ද මුදුනට අරන් ගියා. ටවුමෙන් ටවුමට ගියා මොකක්‌හරි පුංචි වැඩක්‌ පළක්‌ හොයා හොයා. හෝටල්වල පිඟන් හේදුවා. අත්වල කරගැට පිපිරිලා ලේ ගලනකම් දර පැලුවා. හුස්‌මක්‌ කටක්‌ ගන්නේ නැතිව පුදුම දුකක්‌ වින්දේ මේ පවුලේ අය ජීවත් කරවන්න.

මේ ආකාරයෙන් හෝටල්වල වැඩ කරලා රෑ වැඩ මුරය නිමාවෙලා නිදාගන්නේ 11 ට දොළහට. ඒත් නිදාගන්න ගිගින් අතට හසුවෙන පත්තර පිටුවල තිබෙන මරණ දැන්වීමේ සිට තිබෙන සෑම දෙයක්‌ම කියවන එක පුරුද්දක්‌ වෙලා තිබ්බා. පුංචි සංදියේ ඉඳන් කියවන එක මොහුගේ පුරුද්දක්‌ වෙලා තිබුණා. ඒක නිසා කිසි විටෙකත් ඔහු කියවීම අත්හැරියේ නැහැ.

අන්තිමේදී කෑගල්ල අත්හැරලා මේ දරු පවුලම අම්පාරේ නිව්ගුණ ප්‍රදේශයට ආවා පදිංචියට. ඒ කාලේ හිඟුරාණ සීනි සමාගම ආරම්භ කරලා තිබ්බ නිසා බොහෝ දෙනකුට කරන්න කුලි වැඩ තිබ්බා. පස්‌සේ අම්මාත් එක්‌ක දිසානායකත් උක්‌ගස්‌වලට පස්‌ දාන්න උදළුගාන්න පටන් ගත්තා.

උක්‌ ගසේ මුවහත් කොළ දැලිපිහිය වගේ මොවුන්ගේ අතපය කපා දැමුවා. එසේ කැපී ගිය තැන්වලින් පුංචි පුංචි ලේ බිඳු ගැලුවා. උක්‌ගස්‌ වල තිබෙන බූවා දැවටිලා අතපයට දැඩි වේදනාවක්‌ දැනුණා. මේ සියල්ලටම වඩා කුසගින්න බලවත් නිසා සියලු දුක උහුලාගෙන දිගින් දිගටම උක්‌ වගාවේ වැඩ කරලා රුපියල් ශත හොයා වෙහෙසෙන්නට වුණා.

අන්තිමේදී වයස අවුරුදු 16 ක්‌ වෙද්දි හිගුරාණ සීනි සමාගමේ කම්කරුවකු ලෙසින් රැකියාවට එකතු වෙනවා. සමහර දවස්‌වලට නිව්ගුණ ඉඳන් දීඝවාපියට යනකම් කිලෝමීටර් 15 ක්‌ විතර උදැල්ලත් කරේ තියන් දිසානායකට පයින් යන්න වෙනවා. මේ සියල්ල මැද මේ තරුණයා තමන්ට ලැබෙන හැම විවේකයෙදිම කරන්නේ කියවන එක. අතට හසුවෙන හැම පත්තරයක තිබෙන මරණ දැන්වීමේ සිට සෑම දෙයක්‌ම දිගින් දිගටම කියවන එක පුරුද්දක්‌ වෙලා තිබුණේ. මෙහමයද්දී ඩීමන් ආනන්දගේ ශත 75 නවකතාවේ සිට මහාවංශය දක්‌වා පොත්පත් 
රැසක්‌ කියවා අවසන්.

දැන්නම් ඔඵවට බරක්‌ දැනෙනවා කියා දිනක්‌ ඔහුට සිතුණා. ඒක නිසා මේ පාර සාමන්‍ය පෙළ විභාගය ලියන්න ඕන කියා සිතා එයට සුදානම් වන්නට වුණා. සාමන්‍ය පෙළ විභාගයට මාස තුනයි තියෙන්නේ. විෂය නිර්දේශය සොයා ගෙන ඊට අදාළ පොත් පත් බොහෝම අපහසුවෙන් පුස්‌තකාල වලින් සොයා ගත්තා. දැන් උක්‌ගස්‌ පාත්ති අස්‌සේ උදළුගාන ගමන් ලැබෙන මද විවේකයේදී දිසානායක කරන්නේ පොත් පාඩම් කරන එක. සමහර දවස්‌වල රෑට උක්‌ වගාවන් මුර කරන්නත් සිද්දවෙනවා. ඒ දවස්‌වල ඔහු කුප්පි ලාම්පුවක්‌ තියාගෙන දිගින් දිගටම පොත් කියනවා. මේ විදිහට මාස තුනක්‌ මහන්සි වෙලා පොත්පත් කියවන්නට වුණා.

අන්තිමේදී විභාගයට පෙනී සිටියා. ප්‍රතිඵල ආවා. සම්මාන හතරක්‌ එක්‌ක විෂයන් හතක්‌ සමත්වෙලා තිබ්බා. එත් අංක ගණිතය පේල් වෙලා තිබ්බා. නැවතත් ඔහු අංක ගණිතයට ඉදිරිපත් වෙන්න සුදානම් වෙනවා. ඒ නිසා විභාගයට මාසයක්‌ තියෙද්දී රැකියාවෙන් නිවාඩු දමා කෑගල්ලේ මිතුරකුගේ මවක්‌ සොයා යනවා. ඇය ගුරුවරියක්‌ නොවුණත් අංක ගණිතය හොඳින් කියා දෙනවා. අන්තිමේදී දිසානායක සම්මාන සමාර්ථයක්‌ සමඟ ගණිතය සමත් වෙනවා.

එදා පටන් රැකියාවන්වලට අයෑදුම්පත් දානවා. ඒත් වැඩක්‌ වුණේ නැහැ. අවසානයේ අම්පාරේ සිටි ප්‍රබල එජාප ඇමැතිවරයෙක්‌ ළඟට ගිහින් රැකියාවක්‌ ඉල්ලා සිටියා. තමුසේ ශ්‍රී ලංකාකාරයෙක්‌ තමුසෙට රැකියාවක්‌ දෙන්නේ බැහැ යනුවෙන් ඔහු ගෝරනාඩු කරනවා.

හරි යන්නේ නැහැ. උසස්‌ පෙළත් කොහොම හරි ලියන්න ඕන කියා සිතු මේ උත්සාවන්ත තරුණයා ඉතා අපහසුවෙන් රුපියල් 35 ක්‌ ඒ සඳහා සොයා ගන්නවා. විභාගයට තියෙන්නේ මාස තුනයි. කොහෙම හරි විෂය නිර්දේශය හොයා ගන්නවා. ඊට පස්‌සේ ඒ සඳහා අවශ්‍ය පොත්පත් හොයාගන්න වෙහෙසෙනවා. දේශපාලන විද්‍යාව, සිංහල, ආර්ථික විද්‍යාව සහ බෞද්ධ ශිෂ්ඨාචාරය මේ සඳහා තෝරගන්නවා. අවසානයේදී පාඩම් කරන්න පටන් ගන්නවා. නිදිවරාගෙන පාඩම් කරනවා. පෙර මෙන් ගිණියම් අව් කූටකේ උක්‌ගස්‌ අතර සිට පොත් පාඩම් කරනවා. තමන්ට නියමිත උක්‌ වගාවේ වැඩ කොටස ඉක්‌මනින් අවසන් කර පැත්තකට වෙලා පොත් කියවනවා. මේ අකාරයෙන් බොහෝ මහන්සිවෙලා පාඩම් කළා. විභාගයට මුහුණ දුන්නා.


අන්තිමේදී විභාගයේ ප්‍රතිඵල එනකම් පවුලේ උදවිය මෙන්ම මිතුරන් ද මඟ බලාගෙන හිටියා. ඔන්න ප්‍රතිඵල ආවා. කාගෙත් බලාපොරොත්තු ඉහළ දමමින් දිසානායක ලංකාවේ ඕනෑම සරසවියකට ඇතුළත්වීමට හැකිසේ උසස්‌ පෙළ විභාගය ඉහළින් සමත්ව තිබුණා. වසර ගණනාවක්‌ ගුරුවරුන් රැසකගෙන් ක්‍රමානුකුලව ඉගෙනගෙන විභාගය යන්තමින් හෝ සමත් නොවන බොහෝ දෙනෙකු සිටිනවා. නමුත් දිසානායක මේ හපන්කම කළේ මාස තුනක්‌ කිසිම ගුරුවරයෙක්‌ නොමැතිව තනියෙන් පාඩම් කරලා.

ඔහු අන්තිමේදී විශ්වවිද්‍යාලයට ඇතුළුවීම සඳහා අයෑදුම්පත්‍රයක්‌ යොමු කළා. ඒ අණුව කොළඹ විශ්වවිද්‍යාලයට ඇතුළත්වීම සදහා ලිපියක්‌ ලැබුණා. ඔහු ඒ සඳහා සුදානම් වුනා. නමුත් ඊට සතියකින් පසු ලැබුණු තවත් ලිපියකින් ඔහුගේ හිතේ තිබුණ බලාපෙරොත්තු බිඳ වැටුණා. ඒ වසර පහක පාසල් තොරතුරු ඉල්ලා එවා තිබූ ලිපියයි. හයෙන් පස්‌සේ පාසල් නොගිය මේ තරුණා කෙසේ නම් පාසල් තෙරතුරු ලබා දෙන්නද?. දැන් ඔහුට සරසවි සිහිනය බිඳ වැටෙන්නට වුණා. ඒ නිසා මේ පිළිබඳ එවකට විශ්වවිද්‍යාල ප්‍රතිපාදන කොමිසන් සභාවේ ස්‌ටැන්ලි කල්පගේ මහතාට තම දුක්‌ගැනවිල්ල පෞද්ගලික අභියාචනාවක්‌ මගින් දැනුම් දෙන්නට වුණා. මේ උත්සාහවන්ත තරුණයාගේ අභියාචනාව දුටු ස්‌ටැන්ලි කල්පගේ මහතා දැඩි අනුකම්පාවක්‌ ඇතිවුණා. එම වැකිය එම වසරට පමණක්‌ තාවකාලිකව අත්හිටුවා කොළඹ විශ්වවිද්‍යාලේ අභ්‍යන්තර ශිෂ්‍යයෙක්‌ වශයෙන් මෙම තරුණයා බඳවා ගත්තා.

ඒ සමයේ ශිෂ්‍ය අරගල වලින් විශ්වවිද්‍යාල වැසී යන්නට වුණා. 1987 සිට 90 දක්‌වා වසර තුනක්‌ මේ අරගල නිසා වසා දැමුවා. ඒ කාලයේ පණ බේරා ගන්නට දැඩි වෙහෙසක්‌ ගන්නට දිසානායකට සිදුවුණා. උක්‌ගස්‌ අස්‌සේ දක්‌ෂ කම්කරුවෙක්‌ වෙලා හිටිය දිසානායක දැන් විශ්වවිද්‍යාලයෙත් කැපී පෙණෙන චරිතයක්‌ වුණා. ඒ නිසා ඔහු ශිෂ්‍ය සංගමයේ ලේකම් ධුරයටත් විටෙක මෙම තරුණයා පත්වුණා. 

ඒ කාලේ විශ්වවිද්‍යාල විභාගවලින් අසමත් වුණොත් මහපොළ ශිෂ්‍යාධාර ගෙවීම් නතර කරනවා. ඒ නිසා මම විශ්වවිද්‍යාල ප්‍රතිපාදන කොමිසන් සභාව සමගින් සාකච්ජා කරලා අසමත් අයට එම මුදල් නැවත ලබා දෙන්නත් නොගෙවු හිඟ මුදල් නැවත ගෙවන්නත් කටයුතු සකස්‌ කරගත්තා. ඊට අමරතරව පුස්‌තකාල ගැටලු, ආපනශාල ගැටලු, ආහාර ගැටලු විසඳන්න මම කටයුතු කළා. ඒවා කළේ කවුද කියලා අද සිසුන් දන්නේ නැති වුණත් ඒවා භුක්‌ති විඳිනවා දැක්‌කම මට සතුටක්‌ ඇතිවෙනවා යෑයි වීමලවීර දිසානායකයන් සිය අතීතය ආවර්ජනය කරමින් ඉරිදා 'දිවයින'ත් සමඟ දොඩමළු වුණා.

කොළඹ විශ්වවිද්‍යාලයේ වසර 07ක දිගු කාලයකින් පිටවෙන්නේ ගෞරව උපාධිධාරියකු ලෙසයි. ඉන් පසුව අම්පාර වීරගොඩ සමූපකාර සමිතියේ සාමන්‍යාධිකාරිවරයා බවට පත්වන දිසානයන්ගේ ජීවිතයේ අලුත් ගමනක්‌ ඉන්පසු ආරම්භ වෙනවා. හයේ පන්තියෙන් පාසලට අයුබෝවන් කියූ දිසානායක නැවත පාසලට පිවිසෙනවා. ඒ අම්පාර ඩී. එස්‌. සේනානායක ජාතික පාසලේ දේශපාලන විද්‍යා ගුරුවරයෙක්‌ ලෙසින් 1993 වසරේදියි. කඩා වැටුණු ගුරු සංවිධාන පණගන්වා ගුරු සටනට පණ පොවමින් ඔහු ගුරුවරුන්ට ජයග්‍රහණයන් රැසක්‌ දිනා දෙන්නට සමත් වෙනවා.

දමන ප්‍රාදේශීය සභාවට 94 වසරරේදී තරග වදිමින් එහි විපක්‌ෂ නායකවරයා බවට ද පත්වෙනවා. 98 වසරේදී පේරාදෙණිය විශ්වවිද්‍යාලයෙන් පශ්චාත් උපාධි අධ්‍යාපන ඩිප්ලෝමාවද සාර්ථකව නිම කළේ හයේ පන්තියෙන් පාසලට ආයුබොවන් කියූ විමලවීර දිසානායක නම් මෙම අපූරු චරිතයයි.

2000 වසරේ පැවති මහා මැතිවරණයෙන් පොදුජන එක්‌සත් පෙරමුණෙන් දිගාමඩුල්ලේ අපෙක්‌ෂකු ලෙස ඔහු ඉදිරිපත් වෙනවා. ඒ මොහොතේ ඔහු අත තිබුණේ රුපියල් 300 ත් පමණයි. නමුත් හිත මිතුරන්ගේ ආධාර උපකාරය මත අම්පාරේ දේශපාලන පතාක යෝධයන් පරදා ජයගෙන පාර්ලිමේන්තුවට යැමට තරම් ඔහු වාසනාවන්තයකු වෙනවා.


නැවතත් 2008 වසරෙදී වැඩිම මනාපයෙන් නැඟෙනහිර පළාත් සභාවට තේරීපත්වනවා. එහිදී නැඟෙනහිර පළාත් සභාවේ අධ්‍යාපන, ඉඩම්, ප්‍රවාහන සහ සංස්‌කෘතික ආමාත්‍ය ධුරයද ලැබුණේ ඔහුටයි. යුද්ධයෙන් වැනසී ගිය නැඟෙනහිර අධ්‍යාපනයේ සුක්‌කානම හිමිවූයේ එදා උක්‌ගස්‌ අතර පස්‌දැමූ කොණ්‌ඩේ පොකුටු කම්කරුවාය. එදා මාදෙයියාව විදුහලෙන් හයෙන් ඉවත්ව හෝටල්වල දර පලා පිඟන් හේදූ කොලු ගැටයාය.

එතැන් සිට යුද්ධයෙන් විනාශවූ නැඟෙනහිර පාසල් නැවත ගොඩනඟන්නට වුණා. වැසී ගිය පාසල් නැවත ආරම්භ කරන්නට වුණා. සිසු දරුවන්ගේ මොළගෙඩි කා නොදමන යහපත් අධ්‍යාපනයක්‌ ගොඩනංවන්නට යහපත් අධ්‍යපනය නම් වැඩසටහන ආරම්භ කරන්නට වුණා. පළාත් අතරින් අවසාන තැනට තිබුණ නැඟෙනහිර පළාතේ අධ්‍යාපනය ඉදිරියට ගෙන එන්නට කටුයුතු කළා. 2013 වසරේදී නැඟෙනහිර පළාත් සභාවට තේරීපත්ව එම අවස්‌ථාවේ පෙර ලැබූ ඇමතිකම් ගොන්න හිමි කර ගැනීමට සමත්කම් දක්‌වන්නේ ද දිසානායකයන්ය.

කිසිදා බස්‌ රථයක්‌ ධාවනය නොවුන අති දුෂ්කර ගම්මාන 
රැසකට මාර්ග සකසා ප්‍රවාහන පහසුකම් ලබාදුන්නා. කුප්පි ලාම්පු ඵළියෙන් රැය පහන් කළ ජනයාට අන්ධකාරය දුරුකරන්නට විදුලිය ලබා දුන්නා. අධ්‍යාපනය පමණක්‌ නොව සෞඛ්‍ය ඇතුළු සෑම අංශයකින්ම ජනයාට කළ හැකි උපරිම සහය දුන්නේ දිනකට පැය 18 ක්‌ පමණ වැඩ කරමින්. අසරණ ජනයාගේ දුක වේදනාව දුටු සෑම මොහෙතේම සාක්‌කුවේ තිබෙන මුදල පරිත්‍යාග කරන්නට තරම් නිර්ලෝභී වුණා. අකුරු කරන්නට පොත් පත් නැති දරවන්ට තම වැටුපෙන් නිතර දෙවෙලේ පොත් පත් අරන් දුන්නා. අතීතයේ තමන් පොත්පත් නැතිව පාසල් යැමට නොහැකිව දුක්‌ විඳි අයුරු නිරන්තරයන්ම මතකයට නැගුණා. ඇමතිකමේ බලය උපයෝගී කොට නොගෙන කිසි කලෙක මුදලක්‌ උපයන්නට නොගිය මේ අපුරු මිනිසා දේශපාලන මඩ ගොහොරුවේ උඩුගම් බලා පිහිනන්ට වුණා. ඒ නිසා කිසි කලෙක ඇතැම් දේශපාලකයන් මෙන් මුදලට රැකියා විකුණන්න ගියේ නැහැ. ඉඩම් ඇමැති වුණත් ඉඩකඩම් ගන්න ගියේ නැහැ. සමහර මැති ඇමැතිවරුන් වෙනුවෙන් වැව් තාවුල්ලක, වෙරළ තීරවල්වල හෝටල් හදන්න ගියේ නැහැ.

විමලවීර දිසානායකයන් රුපියල් ශතවලට තම දේශපාලන ආත්මය පාවා නොදුන් මේ සොඳුරු මිනිසා වත්මන් පාර්ලිමේන්තු මන්ත්‍රිවරයෙක්‌. පාර්ලිමේන්තුව රස ගන්වමින් අපුරු කතා කියන්නෙක්‌. සාහිත්‍ය කරුණු ගෙන එමින් උපහාසත්මක කතා මවන්නෙක්‌ බවට පත්වෙලා සිටින්නේ. ඇමැතිකම් තනතුරු පසුපස නොගොස්‌ මේ වන විට ඒකාබද්ධ විපක්‌ෂයත් එක්‌ක ගනුදෙනු කරමින් සිටින්නේ.

මේ ආකාරයෙන් හයේ පන්තියෙන් පාසල් ගමනට ආයුබෝවන් කියා උපාධි පිට උපාධි ලබාගෙන ජීවිතය ජයගෙන පාර්ලිමේන්තුවට ආ මන්ත්‍රිවරයෙක්‌ අපිට හමුවන්නෙත් නැහැ. ටියුෂන් කියා කියා රැල්ලට හසුවෙලා දුවන සෑම දෙනාටම මේ ජීවිත කතාව කදිම ආදර්ශයක්‌ දෙනවා. ගුණසේකර ගුණසෝමයන් විසින් මේ අපුරු ජීවිත කතාව තුළින් අකලට ආ ඉස්‌කොලේ නමින් අපූරු නවකතවක්‌ නිර්මාණය කළා. එය දෙමව්පියන් විසින් තම දරුවන්ට කියවන්නට ලබා දියයුතුම පොතක්‌. බිරිඳ ජයන්ති සමගින් සුපුන් උදාර දිසානායක සහ අංජන දිසානායක යන පුතුන් දෙදෙනාද වීමලවීර දිසානායකයන්ගේ වැඩකටයුතුවලට දක්‌වන්නේ මහත් සහයෝගයක්‌. 

'කිළිටි ඇඳුමක්‌ ඇඳන් පාවහන් නැතිව පාසල් දරුවන් පාසල් යනවා දකිද්දී මට තාමත් හිතෙන්නේ ඒ තවත් විමලවීර දිසානායක කෙනෙක්‌ කියලයි' සිය ජීවිත කතාව අපත් සමඟ පැවසු ඒ උත්සාහවන්ත සොඳුරු මිනිසා සිය අව්‍යජ සිනහව මුවට නගා සිටිමින් පවසා සිටියා.

සුසන්ත අමරබන්දු
http://www.divaina.com/2017/02/26/feature31.html